29.09.2013 (Sun)
MMBB 呢個 playgroup 不經不覺已經上了一年半有多...
終於... 來到最後一日...
二少奶好鍾意呢個 playgroup...
老師啦... 姐姐啦... 姨姨啦... 環境啦... 上課安排啦... 等等等等...
當初細細個帶 MMBB 返 playgroup 係想佢見多啲人...
唔好成日咁害羞...
MMBB 仲細...
二少奶唔要求佢上完堂要識好多嘢...
會選擇比較 care 小朋友的 playgroup...
但求佢玩得開心... 學到嘢我當 bonus...
所以我比較鍾情呢度... 似一個 family...
佢哋好多教學道具都係自己整...
Feature wall 上面貼晒一個個學生充滿歡樂的相片...
老師... 姐姐... 姨姨個個都好錫小朋友... 好鍾意同佢哋玩!
試過有幾個星期... 因為二少奶要一個湊兩個...
Ah mUi MUi 又細... 真係帶唔到 MMBB 去 playgroup...
Playgroup 的姐姐好好人咁叫二少奶平日去上返...
最後一堂都冇浪費過!
我覺得... 佢哋唔只當 playgroup 係一盤生意...
而係真心希望小朋友玩得開心學到嘢...
如果唔係根本唔可能作出咁 flexible 的安排來遷就學生的需要！
睇返相... MMBB 由一個未係好識講嘢的 BB 開始上堂...
到而家已經係一個識駁咀的小童...
時間真係過得好快... 好唔捨得呢度好美好的人和事...
MMBB 第一日上堂...
Trial class @ 15 months...
@ 17 months...
@ 18 months...
@ 27 months...
@ 29 months...
@ 30 months...
@ 31 months...
@ 33 months...
last class @ 33 months...
二少奶喜歡上呢個 playgroup 仲有一個原因...
係 MMBB 的好 buddy 都一齊上堂...
細的有伴... 大人都有朋友可以一齊傾下偈食下早餐...
你知啦... 歲半之後上堂大人唔洗陪入課室...
出面等好悶嘛... 有朋友一齊去幾好呀!
呢位... 就係二少奶最喜歡的 teacher daniel...
佢好受小朋友歡迎... 超鍾意唱歌...
成日拎住支 ukulele 自彈自唱好似開演唱會咁...
有一次佢仲好情深咁對住 Ah mUi MUi 唱咗首情歌添呀... 哈哈哈!
唔係二少奶誇張... 佢真係好多粉絲!
teacher daniel 在裡面上緊堂...
門口有一眾少女在偷看... 哈哈哈!
呢個... 係好多爸爸同男同學 (我唔敢寫係二少呀!) 喜愛的 teacher anna...
好高好靚... 個人好 funny...
MMBB? MMBB 話佢最鍾意 teacher tracy...
可惜佢只係教過 MMBB 兩堂...
得唔到... 永遠都係最好? 哈哈哈...
MMBB 的 playgroup 作品...
呢啲係比較早期的...
棵 family tree... 幾好笑...
呢啲係比較後期...
右下角嗰張... likes and dislikes...
MMBB 重複貼咗三個 "兩個女孩子" 的圖畫在 dislikes 那一邊...
二少二少奶有啲驚訝... 唔通 MMBB 唔喜歡女孩子?
後來 teacher anna 解釋 that's big hug...
咁又啱喎... MMBB 確係唔太喜歡好熱情的 big hug...
最好笑係 dislike 一邊有個 "男人頭"... 二少奶覺得好似二少...
問 MMBB 係咪 dislike 爸爸...
二少立即屈佢係 dislike 爺爺...
後來栗子妹又解釋嗰個 "男人頭" 係 angry...
MMBB 唔鍾意 angry 呀... 哈哈哈...
呢個勞作... 二少奶好有印象的...
係父親節之前做...
一做完出課室...
MMBB 就問二少奶點解爸爸冇耳仔...
要二少奶問 teacher daniel 攞返爸爸耳仔... 笑死我...
最後幾堂... 有綠豆盆栽要拎回家種...
MMBB 第一次種植物...
多謝有經驗的工人姐姐用木筷子幫愈長愈高的綠豆企直... 唔會 pea 晒落嚟!
幾唔捨得... 都要道別...
二少奶... 希望到 Ah mUi MUi 大個啲有機會再帶小朋友來上堂...
MMBB... 希望你 enjoy 呢度的種種... 過去一年半... 你係玩得開心嘅...
一年半... 對於未夠三歲的你來說... 是一段很長的時間...
希望 mama 的選擇會為你帶來美好的回憶...
Thank you Sita 姐姐... vanessa 姐姐... 姨姨... teacher daniel... teacher anna... teacher tracy... teacher april... you are all amazing!!!
最後要講... 呢間 playgroup... 叫 Bambini Republic!
沒有留言:
張貼留言