MMBB: Sorry 媽媽...

25.10.2013 (Fri)

其實... 今日想寫的... 90% 都係激氣的...

只有最後一幕係叫做甜甜地...

label 為 One sweet moment... 真係好貼切...

因為真係得 one moment 係 sweet 的... 多一秒都冇!!!

話說 MMBB 最近的脾氣愈來愈差...

好喜歡 "包拗頸"...

又好鍾意扭計...

但係拗的扭的大多數都係無聊事...

未必次次都有道理可以同佢講...

好多時... 二少奶都係以嬲佢等佢知驚唔好再扭作結...

雖然呢個唔係一個好辦法...

但係有時真係無心機精神同佢鬥智鬥力...

只係想速戰速決...

 

 

 

呢日... 佢前前後後扭咗三四次計...

我已經唔記得佢扭過咩...

解釋過... 順從過... 罵過... 氹過... 都唔得...

總之佢就一味 "long 黎"...

最後我嬲咗佢... 成晚唔睬佢...

講緊呢個 "成晩" 其實只係睡前唔夠一小時...

不過已經足夠佢爆喊爆喊再爆喊...

 

 

 

二少半氹半教咁同 MMBB 講道理...

話佢知今晚媽媽嬲佢...

叫佢明天一早起身同媽媽 say sorry...

半夜二點幾... 二少奶仲未瞓...

MMBB 瞓瞓下醒咗... 走出來搵二少奶...

我見到有個 BB... 睡眼惺忪著住個睡袋走埋嚟...

開口第一句就係: sorry mama... sorry mama...

 

 

 

二少奶見到個仔... 眼都未張開... 人都未醒晒...

咀仔就已經好緊張要 say sorry...

雖然我知佢其實未必真係知錯... 亦未必唔會再犯...

只係好想我快啲睬返佢... 

不過當時二少奶個心已經軟晒... 仲邊捨得繼續嬲吖！

 

 

唉... 雖則話唔嬲... 但係呢排湊仔真係湊到好力不從心...

好想快啲可以 find a way out...