03.10.2013 (Thu)
六個月的 Ah mUi MUi...
16 磅... 67cm... M size BB 一個...
一日四餐奶... 4-4.5 小時一餐... 頗準時...
開始食米糊... 頭幾日試會成日用脷仔頂返出來...
早上八時至九時起床...
起床後會靜靜的在床上望下玩下手... 很少大吵大鬧...
所以有時佢瞓醒咗都冇人知...
晚上放落床仔又會自己瞓... 唔洗奶咀亦不用陪瞓！
通常一覺瞓天光...
但係如果俾人嘈醒咗... 就會喊...
抱唔得... 行唔得... 點都要等佢自己慢慢平靜瞓返...
因為 Ah mUi MUi 係同 MMBB 一間房...
所以二少二少奶都好小心... 是旦一個喊醒都會立即抱離事發現場...
免得兩個都吵醒晒... 有排搞...
好爛瞓... 會由床頭瞓到床尾...
會由頭向門 180 度轉到頭向窗...
每餐食完奶... 玩一陣... 就會午睡...
MMBB 不在家... 會瞓得好啲... 瞓到兩小時...
MMBB 在家... 太嘈... 通常就算瞓得着... 一陣都會醒...
但係同夜晚唔同... 午睡即使瞓唔到... 都好少大喊...
可以自己由面向天翻到背向天... 調轉唔得...
冇嘢支撐唔識坐... 抱起雙腳唔會用力撐地...
姑娘話要努力練習...
想當年 MMBB 六個月已經坐得好好...
按住 sofa 背已經可以企...
二少奶知道 Ah mUi MUi 係慢少少...
唯有勤力啲!
鍾意吱吱喳喳講嘢...
鍾意人同佢講嘢...
一同佢講嘢佢就笑...
鍾意 monkey 仔...
鍾意哥哥唱歌佢聽... 一唱就會望到實...
忠實粉絲一名...
鍾意睇電視... 一開電視會扭晒身望...
好怕嘈吵...
出街食飯... 如果去酒樓... 多數出事...
由入去喊到出來...
去爺爺屋企都多數喊...
因為大家同 MMBB 玩一定玩到好大聲...
Ah mUi MUi 都會怕...
怕水... 游水時多數喊...
哥哥氹佢又 OK...
唔鍾意滑梯... 鞦韆可以但都唔太 enjoy...
鍾意出街... 日日都出去...
shopping... 散步... 去公園或者跟姐姐去買餸...
出街時多數唔瞓覺...
開始認人... 眼定定望實人...
如果認唔到而你又抱佢... 會大喊!
雖然好多人話 MMBB 同 Ah mUi MUi 好似樣...
但係... 佢哋的性格... 習慣... 發展... 都好唔同...
二少奶... 原本以為湊過一個就乜都可以照抄...
哈哈... 原來唔係...
做父母... 真係要做到老... 學到老...
沒有留言:
張貼留言