哥。哥。妹。妹...

23.11.2013 (Sat)

 

 

上次探妹妹 B 唔可以帶 MMBB 同 Ah mUi MUi...
今日... 終於可以約到一見喇...
呢個哥。哥。妹。妹的組合期待已久...

先吃個午飯...
飯後甜品咁大杯... 發達喇!
 

妹。妹相遇了...
 

不經不覺... Ah mUi MUi 已經係一個大  BB...
望住初出生的妹妹 B...
我突然間又好懷念 newborn 時期的 Ah mUi MUi...
 

人多... 又皺眉...
 

MMBB 同 Ah mUi MUi 一齊 swing swing swing...
超 hyper... Ah mUi MUi 係咁望住哥哥...
 

又要推妹妹...
 

 

用另一個方式推妹妹...
 

 

兩個個表情... 都好不滿... 哈哈哈...
 

哥。哥。妹。妹...
大口仔哥哥... always 都咁 sweet...

廁紙筒望遠鏡...

22.11.2013 (Fri)

 

 

昨天講到 MMBB 的校外習作係去參觀動植物公園...

因為「莎莎去動物園」有帶望遠鏡...

所以當 MMBB 知道佢會去參觀動植物公園時...

就話要帶望遠鏡...

 

唔知係咪曾經有 playgroup 教過...

定係佢咁 creative 自己諗到...

MMBB 個幾星期前已經攞住個廁紙筒扮望遠鏡...

 

雖然二少奶一直沾沾自喜 MMBB 的學校一個親子習作都唔洗做...

但當 MMBB 話要帶兩個廁紙筒去旅行...

二少奶覺得... 都係唔可以太懶...

做呀媽... 呢個時候點都應該做返啲嘢...

 

於是... 去公園呢日的早上... (二少奶的臨急抱佛腳並唔係浪得虛名的!!!)

帶 MMBB 去買材料...

決定「製作」一個望遠鏡...

 

 

 

自己揀色紙... 自己揀裝飾用的貼紙...

自己俾錢... 因為二少奶袋得十元在 MMBB 銀包...

佢唔夠錢找數要問我借四元...

 

 

 

準備好晒...

 

 

 

要拿拿臨開工喇...

 

 

 

二少奶 confirm 好 MMBB 的用色安排...

就貼好兩個廁紙筒同界好紙...

叫佢幫手塗漿糊...

 

 

 

角位要好小心塗...

 

 

 

成形... 可以開始裝飾...

 

 

 

MMBB 決定好貼咩字...

二少奶就要求佢自己搵晒啲字母出來...

 

 

 

自己搣貼紙...

 

 

 

二少奶教佢由中間個字母貼起...

咁就攞到中間位...

 

 

 

字母排好晒... 又攞到中間位... 應該 OK 啦...

校外習作...

22.11.2013 (Fri)

 

 

MMBB 期待已久的課外習作天終於來到...

其實二少奶都好期待...

因為係第一次同 MMBB 的老師同學外出參觀...

 

出發了... 等了個多星期...

有少少緊張?

 

 

 

習作地點是香港動植物公園...

不過呢位小朋友對溫室內的植物毫無興趣...

不斷問幾時去睇動物!!!

 

 

 

其實... 啲蘭花好靚...

 

 

 

離開溫室去睇 bird bird...

立即狂奔... 幾緊張!!!

 

 

 

因為 MMBB 經常閱讀的故事書「莎莎去動物園」裡面的女主角參觀動物園時會帶備望遠鏡...

所以... MMBB 特別要求帶個「望遠鏡」去...

睇得好認真!!!

 

 

 

每當校車姨姨... 老師... 同學... 同學媽咪... 讚佢個望遠鏡...

或者問佢借望遠鏡...

佢就會「尾尾咀」咁笑...

 

 

 

小朋友... 真係好純真...

會為咗兩個廁紙筒而開心! 哈哈哈...

 

 

 

大合照...

二少奶見識到「老師」的威力...

呢個有三十幾位小朋友的陣型...

老師一會兒就排好了...

真係嘆為觀止!!!

 

 

 

MMBB 真係「扮」到一個乖學生樣...

 

 

 

唔怪之得佢欺騙到老師同學車姨姨...

個個都話佢好乖...

哼... 佢對住我... 唔係咁樣呀!!!

 

 

 

繼續參觀...

呢隻豹豹... 真到二少奶有啲驚...

MMBB: 我甩咗個 pat pat...

09.11.2013 (Sat)

呢日... MMBB 上 carseat 無啦啦大叫:

我甩咗個 pat pat 呀!!!

 

 

我同姑姐姐笑到碌地...

其實佢褲頭鬆... 條褲跣低咗...

平時佢會叫 "甩褲呀!"

唔知點解呢日會叫 "甩咗個 pat pat!"

 

 

之後... 佢仲唱歌仔...

(曲係 london bridge is falling down)

MM 甩咗個 pat pat... 個 pat pat... 個 pat pat...

MM 甩咗個 pat pat... my fair lady!

 

 

 

姑姐又同佢癲...

MM 執返個 pat pat... 個 pat pat... 個 pat pat...

MM 執返個 pat pat... 有返個 pat pat...

 

 

 

MMBB 再改良...

姑姐執返我個 pat... 我個 pat... 我個 pat...

姑姐執返我個 pat... my fair lady!

我只係錄得切呢段...

沖繩 2012 - Day 5 @ 玉泉洞 + 山的茶屋。樂水...

09.07.2012 (Mon)

 

 

沖繩之旅最後一天...

說過... 帶小朋友的旅行...

行程多多少少都會遷就他們...

多看動物少到名勝...

是日... 我們到玉泉洞...

 

來到沖繩第五天... 終於下雨了...
 

玉泉洞是日本三大鐘乳石洞之一...
 

經歷三十多萬年才形成...
 

自然而成的鐘乳石有很多形狀...
 

其實很多「場景」都很美...
可惜... 環境太黑我們又沒有帶大機入洞...
沒有太多拍得好的照片...
 

離開玉泉洞...
二少奶要求到浜辺の茶屋歎杯咖啡...
原來... 都幾難搵...

點解要來? 因為官恩娜來過呀... 嘩哈哈...
二少奶當日睇完那個特輯...
見到主持人對着那片海歎着那杯花茶...
很嚮往... 決定要來!

點知............... 星期一休息!!!
唉... 我知... 我知...
湊住仔的 C9 跟那片海和那杯茶唔係好 match 嘛!!!
 

當二少奶都幾失望之際...
茶屋有個牌... 指示我們去它的姊妹店...
山の茶屋・楽水...
 

海邊去唔到... 深山都要入呀!
最緊要-- 營業!!!
 

抱仔上山中...

其實我知... 全團冇人對專程來喝杯茶有興趣...
多謝大家包容我的堅持...
多謝二少咁辛苦搵條路都車我們入來...
 

好可愛的小蜥蝪...
真的好保護色...

沖繩 2012 - Day 4.2 @ 沖繩美麗海水族館(2) + 萬座毛 + 美國村...

08.07.2012 (Sun)

 

暫時離開水族館區...
到戶外的海邊區...
 

到海豚劇場欣賞海豚表演...




好睇到拍爛手掌... 哈哈!
 

 

 

睇完... 意猶未盡...
再到旁邊的海豚潟湖...
這兒沒有觀眾席...
就只站在湖邊觀賞...
距離更近... MMBB 睇得更入神...
 

這條不太似我們平日見到的海豚...
名叫偽虎鯨...
 

目光... 都幾兇猛...
不過... 好聽工作人員話的...
 

印太瓶鼻海豚...
轉圈...
 

跳躍...
所有海豚表演的元素都不缺...
 

海邊區還有海龜館...
及很少見的海牛館...
海牛... 樣子很傻很可愛!
原來它是瀕臨絕種的草食性動物...
 

逛完海邊區... 再次進入水族館區...
在 Cafe Ocean Blue 吃午餐...
幸運地找到一張近巨型魚缸的桌子...




一條條魔鬼魚就在我們身旁游來游去...
陪我們進餐...