1 vs 2

01.10.2013 (Tue)

 

 

呢日... 我又要 1 vs 2...

我覺得 Ah mUi MUi 大個咗... 我應該 manage 到兩個...
所以冇請媽咪 or 細佬來幫拖...

膽粗粗拍心口頂硬上...

其實好好彩... MMBB 同 Ah mUi MUi 都唔算難湊...

對二少奶來講... 最有難度... 應該係餐 lunch...
我的廚藝好到........... 哈哈... 你估唔到咁好!!!

又好好彩... 早排俾我發現咗壽桃牌有隻兒童麵...
不經油炸... 有齊南瓜菠菜紅蘿蔔蕃茄小朋友最鍾意的口味...
最好係有雞湯包... 好似話不加味精的...
總之就有味... 易煮又唔會太唔健康啦...
二少奶試過... 味道唔錯的...
一個菠菜麵再加幾粒 MMBB 好鍾意食的魚旦同香腸...
今餐 lunch 總算有着落... 唔洗叫 pizza...
 

食 thomas... 飲 thomas... 睇緊都係 thomas...
唔知點解... 小朋友總可以一眼就分得出 thomas... gordon 同 edward...
二少奶睇... 都係藍色啫... 點分?
 

MMBB 呢日乖... 食麵都唔洗我理... 自己搞掂...
可能佢都知佢阿媽我真係好辛苦先搞到兜麵出來...
(有幾辛苦? um... 辛苦在我要清潔返個爐頭... 因為我滾瀉咗!!!)
如果仲 hea 住食... 後果應該不堪設想... 哈哈哈...
 

Ah mUi MUi... 一個字... 乖!
食... 瞓... 碌一陣... 食... 瞓... 碌一陣... 食... 瞓... 碌一陣...
loop 幾次... 加埋 poo poo 同洗白白... 就完成! 哈哈!
 

 

 

 

 

 

最最最開心係...
呢日我竟然 tune 到佢哋兩粒豆丁同時間 nap!!!
Ah mUi MUi 日間好醒瞓...
通常 MMBB 玩緊佢都唔會瞓得好好... 好快就醒...
而 MMBB 呢... 有得玩佢可以唔 nap...
所以呢日... 竟然可以兩個一齊瞓到成兩個幾鐘...
真係超 happy... 我可以有時間抖下...

MMBB 係一個好哥哥...
佢瞓醒出房... 就立即推埋 Ah mUi MUi 出來...
唔會獨留 BB 在房中!
 

冇驚冇險... 冇穿冇爛...
總算等得到二少返來晚飯去...
二少奶... 真係好佩服輕輕鬆鬆就湊掂兩個的媽媽... Salute!