1033: One sweet moment...

28.9.2013 (Sat)


今日同 MMBB 瞓醒晏... 

大小兩隻懶豬仲攤喺張床度...

MMBB 突然轉身用隻手攬住二少奶條頸...

害害羞羞咁細細聲在二少奶耳邊講咗句:

我好鍾意你㗎！

哈哈！二少奶當然冧到暈！

MMBB 唔會講嘢討好人...

我知如果你問佢: 你鍾唔鍾意媽媽呀？

佢會答: 鍾意！

又或者問佢: 你鍾意邊個呀？

佢會答: 媽媽！

之但係主動攬住我講鍾意我...

真係少之有少！

MMBB, I love you too! 我都好鍾意你呀！

1032: One sweet moment...

27.09.2013 (Fri)

 

 

今日到學校接 MMBB 放學...

本來冇打算問老師 MMBB 的返學情況...

因為兩星期前老師 update 過一下...

二少奶覺得兩星期都唔會有太大變化... 所以唔想阻住老師喇...

 



公益金便服日

 

 

點知... 老師主動同二少奶講咗以下呢段說話:

佢好乖... 好可愛... 我們好鍾意佢!

 

二少奶連聲多謝...

轉身走時... 校車姨姨又同二少奶講咗以下呢段:

佢好叻! 好定! 好乖仔!

 

我知道... 我嗰一刻個樣... 肯定笑到似執到金... 哈哈哈...

 

 

 

對於老師同姨姨一個「乖」字...

二少奶唔覺得驚訝...

因為 MMBB 係一個對住陌生人會好害羞的人...

我知道佢在班房在校車一定係唔講嘢同唔會四圍走的...

呢個階段應該係易處理的學生...

所以老師覺得佢乖... 我唔覺得出奇...

只係覺得佢在家的百厭本色冇在學校表露出來吧!

 

自己買西瓜汁

 

 

 



不過... 一句「可愛加好鍾意佢」... 二少奶倒是意想不到...

一直都覺得 MMBB 唔係討好型 BB...

冇大眼肥嘟嘟的外型... 更加冇甜言蜜語討人歡心...

再加上 K1 面試的結果... 我肯定佢唔係老師一眼就會喜歡的類型...

所以... 得到老師呢句說話... 二少奶真係喜出望外!

 

 

 

希望... 到學期尾... 老師對 MMBB 的觀感唔會有一百八十度轉變啦!

 

MMBB, 加油!

 

 

 

MMBB K1 繼續開學...

3.9.2013 (Tue)

返學第二日... 有少少雨... 

有得穿雨衣好雀躍!

因為返一個鐘... 冇校車返學...

所以都係二少奶接送！

有咗昨日的經驗... 二少奶估 MMBB 應該會喊起碼一個星期...

我唯有不斷鼓勵佢...

同佢講媽媽知佢已經好努力... 

再加油俾心機就會習慣...

習慣咗就會好開心...

除咗催眠... 再加利誘...

嗱！如果叻叻唔喊呢... 媽媽就請 MMBB 食蛋糕... 好唔好？

估唔到... 咁就得咗！

今日返到學校... 唔講得好開心... 但好明顯歡容咗！

最厲害係... 冇喊過！

由玩玩具 warm up 開始...

到 Story time... 排隊出課室 wee wee... 食茶點... 唱遊...

全部自動波... 唔洗二少奶叫... 唔洗二少奶陪坐... 全程跟足老師指令...

一個多小時冇喊過！

 

平日龜速食飯... 今日竟然連食茶點都可以 on time 完成！

二少奶全程靠牆站... 

只係開頭點名時提一提佢舉手 (因為老師用普通話叫名)...

用埋食茶點時幫佢搣開個隻香蕉個頭...

其他咩都冇做過喇！

真係好不可思議！好 amazing!

呢一日... 二少奶真係好感動！

我真係感受到 MMBB 用咗佢最大嘅努力去 overcome 一個陌生環境同一堆陌生的人... 

無論成功與否... 二少奶都好欣賞 MMBB 呢份努力!

可能對其他已經返咗一年 PN 的小朋友...

返 K1 唔喊加跟足老師指示一啲都唔難...

但係以 MMBB 的性格... 我知的確唔容易...

加上我成日覺得佢係因為「聽我話」而咁努力去做的...

(好可能只係我諗多咗！哈哈哈！)

心情真係好激動！

 

本來答應 MMBB 請佢食蛋糕...

但係因為實在太感動... 我話要送一份禮物俾佢...

佢話想要叮叮電車... 吓? 去邊度買呀?

最後去咗一轉 toyrus... 搵唔到... 於是佢揀咗呢份...

 

 

 

再去埋食粟米... 大滿足!

 

 

 

MMBB, I m so proud of you!!!

 

 

 

Ah mUi MUi 第一次去公園...

11.9.2013 (Wed)

基本上... Ah mUi MUi 係一個懶 BB...

除咗佢瞓床仔瞓 highchair 時好喜歡雙腳 bom bom 聲咁拍落床仔到之外...

佢身體的其他部份都係唔多願郁嘅...

呢日... 二少奶同佢落樓下公園...

迫佢玩下郁下...

逗住佢 sir 下滑梯...

佢雙手竟然撐住兩邊...

唔想郁呀!!!

inertia 好大!!!

 

 

 

 

 

 

 

 

 

 

 

 

 

 

 

 

 

 

 

 

 

 

 

 

個樣好唔情願...

但係已經好過上次在 gor gor playgroup 時 sir...

上次 Baba 同佢玩... 大喊呀!!!



好不滿!!!

 

 

 

 

 

 

 

 

 

 

 

 

 

 

 

 

 

 

 

 

 

 

 

 

玩搖搖獅子王好少少... 冇咁不滿...

不過個眉頭仍然非常深鎖！

原本諗住玩二十分鐘之後一齊去接 gor gor...

最後在 Ah mUi MUi 十分唔願郁的情況下... 

玩十分鐘就打道回府了！



穿了 MMBB 件舊衫仔，成個男仔咁！

 

MMBB K1 開學了...

2.9.2013 (Mon)

 

MMBB K1 開學了!

呢個星期... 覺得 MMBB 大個咗好多...

陪住佢步過呢個人生階段...

作為媽媽的我... 感覺都幾奇妙...

亦都好慶幸我可以陪佢過...

 

MMBB 係一個痴媽 B...

做咩都要媽媽陪...

我唔陪佢... 佢寧願唔玩...

 

MMBB 係一個膽小鬼...

對住陌生人會好緊張...

成日好似開籠雀的佢會變得好沉默...

 

雖然 MMBB 有上過一年 PN 班...

但係... 直到暑假前...

二少奶都仍然唔可以送佢返學...

因為我離開佢... 就會想喊...

所以只可以由姐姐送 or 二少送...

而二少奶只可以接放學...

 

MMBB 新學年轉新學校...

一個未夠三歲好鍾意痴住媽媽的人仔...

要獨自在一個陌生的地方對住陌生的老師同學...

都咪話唔驚...

 

為咗幫 MMBB 適應...

暑假時二少奶已經不時俾新學校的相片 MMBB 睇...

話佢知新學校有 playgound 有圖書室有電腦室有好多嘢玩...

話佢知新學校有 school bus... (佢見到 school bus 成日話想坐)...

最後幾日專程帶佢返一次學校取校服... 等佢去操場同課室門口睇下...

希望... 佢返學時冇咁驚... 可以快啲適應...

 

學校第一個星期係適應週... 只係返一小時...

頭兩日俾家長陪...
第一日的運動服 look...
個書包好大個... 哈哈哈...






MMBB: 爸爸媽媽婆婆祝你 "返學快樂"!





第一日二少二少奶都有陪入課室...

 



出門口未去到學校前都好開心的...

 

 

一如想像... MMBB 對陌生環境好緊張...

視線不時都會找尋二少奶... 確保我喺度...

Story Time 小朋友要坐地下... 佢都要二少奶坐隔離陪佢...

 

 

睇到佢真係好坐立不安...

 

 

 

排隊去 wee wee 要離開二少奶...

終於忍唔住喊喇...

二少奶唔跟出課室... 等老師處理啦!

返來... 冇喊... 但係好冇 mood...
 

食茶點... 個包食到落堂...

唔理其他小朋友已經唱遊緊...

老師有經驗... 冇迫佢...

二少奶氹下佢... 佢都係唔想 join...

咁我們都靜靜咁等佢自己慢慢食...

 

 

就咁... K1 的第一天就完成了!

比二少奶想像中喊得少...

但係望住個仔咁緊張咁不安的表情...

二少奶的心情... 是複雜的...

 

學... 點都要返...

作為媽媽... 我應該點樣幫佢習慣返學?

 

<待續>

 

 

 

 

Ah mUi MUi 「美食」初嚐...

24.9.2013 (Tue)

 

上星期見 Ah mUi MUi 個頭仔坐得定...

今日就決定俾 Ah mUi MUi 食第一口 mum mum...

謝謝大口仔媽媽的 Holle Oats Porridge...

Made in Germany...

原本諗住跟哥哥食 Friso 米糊...

但唔知點解四圍都唔見有得賣...

如果呢個食得好... 就繼續... 唔搵 Friso 喇...

 

 

 

睇到... 食唔到... 悶悶不樂咗一秒...

 

 

 

就出手搞事...

 

 

 

食喇食喇...

唔好睇佢皺晒眉...

佢個咀仔係追住要呀...

 

 

 

好似好 OK...

 

 

 

食完一啖係咁望住隻碗呀...

 

 

 

最後俾咗三小啖... 收工!

 

 

Keep in Touch...

二少奶... 一年冇寫 blog...
最近... 發覺 yahoo blog 將會關閉服務...
有些少傍惶...
上次 yahoo blog upgrade...
因為出生年份問題... 已經唔見咗 MMBB 0-7 個月的 blogs...
好唔捨得...
今次都唔諗得太多... 立即要行動搬 blog...

未生 MMBB 之前二少奶寫 msn space...
但轉咗 wordpress 真係非常唔好用...
今次都唔想搬返去...
迫於無奈開新 blog... blogspot...
希望會好快上到手...

不過話時話...
唔係今次 yahoo blog 關門大吉迫一迫...
二少奶都唔知幾時先會再的起心肝寫返 blog...
Ah mUi MUi 出世至今都係只用日記記低佢嘅「事績」...
睇下搬完之後... 會唔會追返佢啲 blog 啦...
做細... 有時真係蝕啲...

yahoo blog 關閉...
二少奶仲好唔捨得一班 bloggers...
有些小朋友... 二少奶真係睇住佢哋大...
佢哋又睇住 MMBB 大...
所以... 呢排二少奶好努力 update 返佢哋 fb 呀... 新 blog 呀咁...
希望... 可以 keep in touch!

二少奶新 blog:
http://mmbbleung.blogspot.hk

真係希望... keep in touch!