MMBB 搭校車...

4.9.2013 (Wed)

第三日... 家長冇得陪...

二少奶打定輸數 MMBB 會喊返！

二少奶唯有繼續催眠... 繼續利誘...

適應週冇校車返學... 只有校車放學...

問 MMBB 想唔想搭... 

佢話唔想... 想媽媽在學校接佢...

咁小要求... 當然答應！

最後... 又一驚喜... 

入課室二少奶走的一刻冇喊...

我知... 嗰一刻唔喊就唔會喊！

果然... 放學時 MMBB 都話自己冇喊！

真係叻喎！

於是... 今日又有蛋糕食！

MMBB 揀咗鮮果撻！

5.9.2013 (Thu)

第四日... 到催眠佢試搭校車！

MMBB 要求二少奶一定要在 school bus stop 等佢！

哈哈！一定得啦！我唔接邊個接佢喎！

第一次坐校車... MMBB 話自己冇喊...

係姨姨拖佢上車... 同班仲有另一個小朋友... 

姨姨幫佢扣安全帶...

佢話佢冇同其他小朋友傾偈... 冇瞓覺...

唱咗兩次 abc song... 好快就到 school bus stop!

哈哈！係叻叻喎！

MMBB 話: MMBB 好叻叻喎！咁又可以去買蛋糕囉！

哈哈哈... 利誘... 有時確係有效！

今日揀咗栗子蛋糕！

6.9.2013 (Fri)


呢日... 特別叫姐姐同我一齊送返學...

Ah mUi MUi 都有同行！




上學途中一直都相安無事...
點知去到學校操場...
MMBB 突然間話佢好唔想搭校車放學...
好想二少奶來接佢... 講講下仲忍唔住喊添...

二少奶... 心情又好複雜...
第一... 我接佢其實冇問題... 但係我唔想佢習慣我接...
始終都要習慣搭校車返學放學嘛...
第二... 呢一刻我知道佢昨天係死頂...
其實唔 enjoy... 好驚... 好緊張...
但係因為我叫佢叻叻... 佢又試...

最後... 我都係冇心軟... 冇答應佢...
不斷氹佢都收唔到聲... 唯有夠鐘就送佢入班房...
交咗俾老師... 我見佢已經收聲...
轉頭再偷睇下佢... 已經冇晒事坐好咗等上堂...

二少奶唔放心... 決定送咗姐姐同妹妹上車之後折返學校...
偷偷睇下佢上校車的情況... (好直昇機呀!!)
原來放學時姨姨會拖住佢同另一位同學仔出操場上車...
MMBB 望落好合作... 冇扭計...
咁佢上咗車二少奶就走啦...

點知我行過架校車... 俾 MMBB 見到我...
我立即 9秒9 狂奔... 怕佢見到我會喊...
二少在屋企校巴站接佢...
姨姨同二少講 MMBB 有喊...
MMBB 同二少講話佢見到媽媽不過媽媽跑走咗...
於是喊...
哈哈哈... 最衰都係我... 整喊個仔!
MMBB... mama 下次唔敢喇!