ESPRESSO ALCHEMY + Ruby Tuesday...

1 May 2012
清晒四月... 我個 blog... 終於可以邁向五月...
五月... 對二少奶來說... 係一個開心又興奮的月份...
因為... 有好多借口可以慶祝... Yeah!

我個 blog... 近排可以變一個美食 blog...
好似好多篇都講出街食飯...
呢日... 都唔例外...

放假起身... 同二少講想食個豐富少少的早餐...
於是... 兩條友帶住 MMBB... 去到商業區...
原本... 嗰度係應該有好多 cafe 的...
但係原來商業區的 cafe... 好多都唔開假日...

再走入啲細街...
餓到... 諗住麥記都殺啦...
點知在麥記隔離有間細細間個樣幾特別的 cafe...
叫 Espresso Alchemy...
一於試下...

間鋪好細... 有個 coffee bar 連埋 open kitchen...
咖啡的種類超多... 亦提供 all day breakfast... pasta... cakes...

二少奶的 cafe latte... 拉花好靚...
咖啡的質地好滑...
我發覺... 我好耐冇坐低好好咁嘆一杯美味的咖啡...
鬼咩... 生咗仔... 仲邊有咁嘅閒情逸緻吖...
帶住 MMBB... 咩都好混亂咁...
成日都要阻止佢搞呢樣搞嗰樣...
何來有機會「嘆」吖...

二少奶的 all day breakfast...
索價成六十大元... 份量同食物種類都有些少.............
好彩味道唔錯... 算係值回票價啦...
分咗些少 sweet corn 俾 MMBB...
其餘嘅... 二少奶一個 KO 晒...
真係唔洗問點解我會肥咗咁多啦...

二少的 salmon pasta...
佢話好味呀... 不過等咗好耐...
二少奶等的時候好擔心佢哋的人手...
係咪可以應付到平日的 lunch hour...
小店要生存... 真係好難...
二少奶好希望佢哋可以成功生存落去...

成日搞亂檔的 MMBB...
幾時... 佢會肯坐定定俾餐安落茶飯我食下呢?

復活台中之旅 - Day 6 - Say Goodbye...

10 Apr 2012


昨晚 20:35 乘高鐵由台中返桃園...
21:14 到達... 再乘的士前往 Holiday Inn Express...
酒店安排同第一晚一樣的兩間房給我們...
MMBB 應該是很累了... 在車上已經睡著...
到達酒店... 把他放在床上... 仍然是不醒人士...
平時... 一郁... 佢多數會醒...
我們等了一會...
先把之前於逢甲夜市買的鹹酥「什錦」KO 了...
十一時... 我決定叫醒 MMBB 洗白白...
點知... 竟然叫唔醒...
冇辦法... 唯有就咁幫佢抺面抺身等佢繼續瞓...

早上 6:25 航班...
係... 早到離晒譜... 冇機位冇辦法...
返到香港... 二少奶仲可以準時返工...
凌晨三點幾我們就 check out... 打的去機場...
MMBB 仲係未醒...
幫佢換埋衫洗埋面都唔醒...
一直去到機場 check in... 佢先有返知覺... 哈哈...

五日台中 buddy trip... 終於完結...
要上飛機返香港喇...

講真... 整個台中之旅最難忘的... 一定係間民宿...
環境真係好靚...

 

不過最開心... 都係見到兩隻小鬼的笑容...
MMBB 唔係唔笑咩? 哈哈... 同 buddy 一齊... 叫做笑多咗喇...
btw... 呢個係咩樣? 咁醜怪嘅?

 

好唔捨得咁...

 

上機同大口仔坐前後... 都要咁辛苦拎轉身伸手去掂下佢...
真係好想一齊玩咁喎...

 

世紀拖手...
真係好鬼 "淵" 氣...

復活台中之旅 - Day 5.2 @ 歐洲花園 & 逢甲夜市...

9 Apr 2012


離開阿拉丁廣場...
我們往歐洲花園進發...

 

花園的面積不算很大...
但足夠小孩們跑跑跳跳了...

夏宮... 羅馬噴泉... 巴洛克鍾樓...
確係一個小歐洲花園...

從前去主題公園...
呢類「冇嘢玩」的景點... 一定 skip 啦...
一定由早到晚玩盡所有機動遊戲同睇晒所有動物...
不過... 而家兩隻小鬼先係主角...
乜都就晒佢哋啦...

路的兩旁種滿薰衣草... 很美...

MMBB 影相... 好少笑... 亦好少笑得靚... 呢張都唔例外... 哈哈...

有埋大口仔... 又唔同喎... 今次真係笑得開懷...
好鍾意呢張相呀!!!

小小摧花賊又出動...

突然間手拖手...

兩部相機不停地連環快拍啦...

仲一路行一路傾添?

復活台中之旅 - Day 5.1 @ 九族文化村...

9 Apr 2012


呢日約咗司機叔叔十點出車...
可以瞓晏啲...
二少奶昨晚仲好老定唔執行李住...
點知... 呢朝趕到甩褲...
哈哈... 因為 MMBB 會搞亂檔呀...
都係大口仔媽媽醒... 一早就叫大口仔爸爸帶大口仔落去玩...
佢就可以靜靜地執嘢... 下次... 唔該帶埋 MMBB... 哈哈...

話就話「晏啲」...
其實都係講緊八點幾...
MMBB 就起身睇風景喇...
仲好肉緊咁叫我們一齊睇...

 

露台望出去的湖景... 都幾靚呀...
只係昨天遊湖時天氣太差...
搞到人都冇乜心情欣賞...

 

呢座... 就係我們住的日月潭大飯店...

 

今日的遊玩重點... 九族文化村...
上去... 先要乘一程纜車...

 

呢個 trip 有 buddy 同行... 真係多全家福呀... yeah!

 

搭纜車... MMBB 冇驚亦冇緊張...
梗係啦... 咁「危險」的 ngong ping 360 都搭過...
仲有咩驚呀...

 

睇風景睇得好入神...

 

都幾斜呀...
今日好天... 睇得清楚個日月潭...

buddies... 今日又幾襯色喎...

 

落車...

 

叫兩隻小鬼在觀山樓前面影張相...
唔係你走開就佢坐唔定...
最後要出動兩大阿媽先合照到一張...
大口仔... 你好型呀!!!

復活台中之旅 - Day 4.3 @ 日月潭...

8 Apr 2012


吃過午飯... 司機叔叔就車我們到日月潭...
沿途... 兩個 BB 都唔放過任何一個可以一齊玩的機會...
真係好鬼死 friend dor...
Thanks 大口仔媽媽... 影低好多 MMBB 的整蠱做怪樣...

 

到達日月潭... 又下雨... 真掃興...
唯有安慰自己... 好彩今早放晴... 唔係就餵唔到羊羊喇...
到步後... 司機熟練地帶我們到其中一家安排船隻遊湖的接待處...
正常地... 我們應該去「格下價」... 揀下邊隻船靚啲...
不過... 下着雨再加帶着兩隻小鬼...
我們見價錢可接受就算了...
當省點時省點力吧...
呢艘... 就係帶我們遊湖的戰船 - 日月之星...

 

上船... MMBB 看「海」看我好雀躍...

 

隻觀光船會停幾站...
遊人可以自行決定是否下船上岸遊覽...
遊完按指定時間返回碼頭再登船即可...
我們到了第一站... 見只是毛毛細雨... 便決定下船上岸遊一遊...
從山上望下來的湖景...

 

上山... 就是為了去玄光寺...
這塊石... 很多很多人排隊不排隊地等埋位與它合照...
下着雨加帶着小孩... 我們當然冇等...
二少奶離遠 zoom 埋去影一張罷了... 哈哈...

 

這座玄光寺... 更厲害...
人人都話去日月潭必去...
睇下幾多人?

 

行到門口往裡面一看... 哈哈...
一眼望得晒... 唔洗入... 雨傘都唔洗收...
其實... 我覺得... 如果好天... 專程走上山一看這寺廟還是可以的...
下雨? 其實可以慳返上山的一段路...
但既然來到... 二少奶就叫大家影張「到此一遊」相啦...
大家留意二少的眼神... 好似想殺咗我咁呀... 哈哈哈...
佢梗係覺得環境咁惡劣就應該快閃啦...
都係大口仔最俾面二少奶... 個笑容... 幾燦爛呀!!!

 

準備行返落山上船...
見到呢個石碑... 真應景...
整個台中之旅... 最苦... 應該就係日月潭上玄光寺呢一段...

 

到碼頭... 雨勢非常之大...
連傘子都濕透了... 有小水點滴下...
工作人員話要等十分鐘... 叫我們到上面的涼亭等候...
但係涼亭都唔近... 一上一落可能仲麻煩...
又唔想到時在排隊的人以為我們打尖...
我們還是決定乖乖的待在那兒排隊...
這十分鐘... 真的十分十分之漫長呀!!!

 

等等下... MMBB 已經熟睡了...
上到船... 二少奶盡人士把自己同 MMBB 弄乾一點點...
之後的站我們都沒有再下船上岸了...

 

終於遊完湖... 係呀... 「終於」呀... 二少奶真係好期待遊完的一刻...
天氣... 真係好好好影響旅行的安排...
亦都會大大打擊旅遊的興致...
返到碼頭... 好好彩... 雨停了... yeah!!!
見之前玄光寺的一塊石碑沒有留影...
就不錯過碼頭旁的這一塊...
MMBB 仲未瞓醒... 哈哈哈...

復活台中之旅 - Day 4.2 @ 清境農場...

8 Apr 2012


天氣放晴... 可以順利去清境農場... 這趟行程的重要景點...
昨天幫 MMBB 穿薄 tee... 要加外套加背心...
今早幫佢穿長袖衛衣... 去到農場又好熱要轉短袖 tee...
好彩有包車... 唔係揹咁多衫都幾辛苦...
太陽伯伯開工... 我們的黑超 & 帽子都可以出動了...

 

黑超 family...

好愛呢張相...

 

早場有一個 show... 我們好趕好趕入到場...
嘩... 一行入去... 就見到好多綿羊呀...
二少奶都好興奮...

 

趕羊仔...

 

等睇 show...

 

兩隻小鬼得到兩個無遮無擋的有利位置...
私家o架... 二少奶想都冇得坐呀... 哈哈哈...

 

個 show... 原來係有一個外國人表演幫隻綿羊脫毛...
坦白講... 趕唔切睇都唔覺有咩可惜... 早知唔洗咁趕... 哈哈哈...
睇完... 行去呢座城堡...

 

扭抱中的 MMBB...

 

原來... 同 BB 影相係可以蹲得 elegant 一點點的...
二少奶... 學到嘢... 哈哈...

 

去城堡做乜呢?
就係好期待好期待好期待的餵羊咩咩喇...
好可愛的羊咩咩呀...