無啦啦執筆學寫字...

30.09.2013 (Mon)

 

MMBB 之前讀的 PN 係 super happy school...
全外籍老師... 冇教中文...
假期多... 冇功課... 對小朋友冇乜要求...
其實似托兒多少少...

到 K1 轉學校... 都係一間 happy school...
課程唔深... 返學一個月都未有功課...
連中秋節都唔洗整個親子燈籠...
所有勞作填色全部學校搞掂...
其實... 都真係幾適合二少奶...
(幼稚園唔係應該 match 小朋友? 反而係 match 阿媽? 會唔會搞錯咗? 哈哈!)

某日... 同二少行百貨公司...
見到有一套習作叫 "愉快學寫字"...
學下畫點... 學下連線...
心諗... 而家唔學啫... 總有一日要呀...
趁特價... 買咗先啦!
 

學校未開始教執筆寫字...
冇要求我們買筆...
但係咁啱得咁 "橋" 二少暑假期間在書局搵星星貼紙時...
買咗 pack 鉛筆...
 

呢一日... MMBB 無啦啦拎咗本 "愉快學寫字" 出來話想畫畫...
下? 學校未教喎... 唔洗咁快學啦...
於是... 二少奶 offer MMBB 畫畫簿 or 填顏色...
但係呢個人仔堅持...
咁我就解釋佢聽... 呢幾本書仔係學寫字嘅...
要認真跟住畫... 唔可以好似平時咁亂填...
佢又話 OK...
難得 MMBB 咁有心... 我冇理由再 discourage 佢啫...
咁我就俾枝鉛筆佢... 教佢坐... 教佢拎筆...
 

先畫點...
MMBB 唔係處理得幾好...
唔識收筆... 一係會好長... 一係會有個鈎...
佢畫極畫唔好... 有啲忟...
係佢自己有啲忟呀... 唔係二少奶呀!!!
唯有安慰佢... 慢慢練下就畫到喇...
 

之後畫線... 好好多...
畫得到... 有信心... 再讚佢兩句... 就有心機...
睇下幾認真?
 

之後二少奶行開一陣...
再返來... MMBB 已經自己畫咗五六版...
橫線直線都有...
哈哈... 可能我要求低...
第一次來講... 我覺得畫得唔錯...
如果第時做功課都係咁自動自覺咁俾心機就好喇!