Haircut @ Magic Mirror...

29.09.2013 (Sun)

 

 

MMBB 個頭... 

姐姐剪過... 二少奶剪過... 二少都剪過...

其實姐姐手勢唔錯...

但係唔知點解剪過幾次之後成日都叫 MMBB 去髮型屋剪！

二少奶就覺得好大壓力... 

已經唔係專業... MMBB 仲要郁身郁勢...

驚剪得唔靚之餘仲要驚整到佢！

二少呢？唔好講...

上次超重手... 剪到 MMBB 前面啲陰又平又短之後... 我已經封咗佢剪！

之後一直都係去大人髮型屋...

二少奶或者姑姐姐抱住佢剪！

其實個髮型師都冇剪開咁細個 BB...

我感覺佢都有啲緊張！

有一次栗子妹媽媽提起 kids' hair salon...

二少奶都想帶 MMBB 一試...

不過聽到要成三百幾蚊剪一次就好 hesitate...

仲貴過我去剪！

一日... 竟然俾我發現有 groupon...

哈哈... 百幾蚊... 

買買買... 試試試...

 

約埋栗子妹去！

栗子妹好快就揀咗斑馬...

MMBB 呢... 徘徊在熊貓與白馬之間...

揀來揀去揀唔到...

其實我知佢緊張... 唔想坐低...

最後二少奶幫佢揀咗白馬...

因為隻熊貓... 負責人唔講... 我同 MMBB 都睇唔出佢係熊貓...

 

除咗有得坐住動物剪...

仲有卡通片睇！

不過 MMBB 緊張到... 我估佢應該咩都睇唔到咩都聽唔到！

姨姨剪左邊... 佢避去右邊...

姨姨剪後面... 佢身就傾向前面...

不過... 睇得出姨姨係好有經驗剪小朋友的...

手起剪落... 毫不猶豫...

唔洗十分鐘就搞掂！

 

之後去洗頭... 其實二少奶唔知有呢個環節... 

仲諗... 咁細個都有洗剪吹？

MMBB 好合作咁瞓低...

不過一開水就想起身逃跑...

濕住個頭逃走... 好 "呢 hea" 喎...

最後二少奶請姨姨唔洗用洗頭水...

係咁易沖下水算...

總算有驚無險等得到包毛巾先起身！

呢個 look... 好搞笑！

MMBB 睇返相話自己好似工人姐姐！哈哈！

 

最後吹頭... 又想走！

小朋友... 咁好易墮馬喎！

 

吹完頭... 靚晒！

其實全程都唔洗二十分鐘...

不過 MMBB 真係由頭緊張到尾...

即使有栗子妹陪住... 都冇放鬆過！

直到玩玩具等栗子妹期間 (女仔係耐少少！哈！)... 先有返啲笑容！

事後問 MMBB 鍾唔鍾意來這裡剪頭髮...

佢話 No 喎！哈哈！聽住先！

不過都好... 真係唔知如果你鍾意...

我正價仲帶唔帶你去好！