MMBB 放學後...

Sep 2013


新學年 MMBB 由上午班轉咗做下午班...
二少奶覺得... 下午班個 schedule 其實都幾適合我們...
MMBB 夜瞓... 夜晚要 "的" 佢去瞓覺... 真係好花力氣...
佢真係可以瞓喺張床到講呢講路碌來碌去成兩粒鐘都未瞓到呀!!!
我瞓醒幾轉都仲見到佢眼仔碌碌... 真係頭都暈埋...

夜瞓自然晏起身...
PN 時返上午班... 真係日日要攞枝掃帚剷佢起身呀!!!
所以而家返下午班... 大家一齊可以瞓晏少少...
未嘗唔係一件好事...

當然... 二少奶而家冇安排 MMBB 上興趣班sssssssssss...
仲好天真地未知時間唔夠洗的苦況...
可能下年我就會狂呻下午班點點點點點點... 哈哈哈...

而家返下午班... 放學唔洗趕回家食午飯...
通常都會行一陣先返屋企...

有時會去圖書館...
如果二少奶去學校接佢的話... 仲可以去中央圖書館...

 

有時會去玩具部行下... 搞下事...
 

有時會去接下爸爸放工...
呢日買咗包栗子... MMBB 係都要坐公園睇住噴水池食...
真係太太太有詩意喇...
 

有時會去 supermarket 買下生果...
 

有時會去商場食下 tea...
 

有時又會去郵局寄下信...
MMBB 每次見到郵差叔叔都好興奮...
 

最多時... 係去公園...
 

小朋友... 都係喜歡跑跑跳跳...
 

加上放得學時都近黃昏...
又已經入秋... 去公園都唔會熱到頭暈... 哈哈...
 

坦白講... 以前返上午班...
洗完白白食完午飯睡個午覺再吃個茶點...
都未必再想出街...
 

而家放學跟手去玩埋先返屋企...
 

保證日日有街出... 有地方放下電...
 

真係大人細路都 happy 呀!
 

其實... 小朋友... 開心真係好簡單!