長洲一日遊...

19.10.2013 (Sat)

 

Ah mUi MUi 第一次去離島...
搭船時好乖... 食支奶奶... 瞓一陣...
原來快船去長洲... 半個鐘多少少就到... 好快...
 

到步... 先醫肚... 二少指定要幫襯蘇波記...
二人餐 $198 任揀四個餸...
 

食完... 見到有公園...
MMBB 唔放過... 一定要玩一陣...
其實日日都玩啦... 唔明點解仲會咁想玩... 哈哈...
 

呢個... 冇得玩... 齋睇...
 

玩完... 有人話要去買寶礦力...
一邊行一邊唱佢自作的寶礦力歌...
不過今日唔係飲一啖... 變咗:
寶礦力... 寶礦力... 我想飲三啖...
 

真係好喜歡寶礦力...
仲話要坐低慢慢歎...
 

好寧靜的長洲...
 

呢個... 又冇份飲...
本來買咗隻飛機俾 MMBB...
見 Ah mUi MUi 咁無聊... 俾佢玩住先...
 

行去海灘時... 見到呢間舖頭的營業時間...
超正囉!!!
 

到喇到喇... 終於到 MMBB 最期待的沙灘喇...
長洲東灣泳灘...
 

是日有二少陪玩...
行出行入攞水呢啲粗重嘢... 唔洗二少奶做喇... 哈哈哈!
 

開始玩時... 仲係正正常常... 乾乾淨淨的...
二少奶心諗只係上星期石澳的翻版...
點知... 唉... 事情係絕對唔會如我所願的...
 

呢個 Ah mUi MUi...
仍然玩緊架玩具飛機......... 個包裝袋...
 

Ah mUi MUi... 一場來到... 活動下啦!
上次去石澳... 沙都未見到就要走... 今次點都要行下沙灘啦...
第一次踏沙... 冇怕... 冇喊...
 

不過都係唔係好喜歡囉...
個樣幾不情不願呀!
 

MMBB 繼續好忙咁出出入入攞水堆沙...
呢對父子的背影... 令我想起一句說話...
「精人出口... 笨人出手」... 哈哈哈哈哈!
 

只係一陣... 成褲成腳都痴晒沙...
出過海... 係唔同啲...
 

 

 

 

可能東灣冇乜浪... MMBB 愈玩愈放... 愈走愈出...
仲要有個爸爸教個仔玩扔沙出海...
 

我想講... 我真係冇預計你哋玩水玩得咁盡...
我連毛巾都冇帶囉!!!
 

不過見你咁開心... 跌到又唔怕... 起身又再玩過...
我又點捨得叫你停吖...
最後... 玩到成隻濕水鴨仔咁...
唯有急急忙忙去買條毛巾俾 MMBB 沖身換衫...
 

我同 Ah mUi MUi... 夕陽下漫步一下沙灘...
幾浪漫...
 

離開東灣之後... 再在大街行下... 食下... 買下...
就乘船離開長洲了...
 

 

 

長洲一日遊... 輕輕鬆鬆... 都幾好玩...
不過下次... 我一定記得帶毛巾!!!