My Brave MMBB...

14.09.2013 (Sat)

 

話說今日要帶住兩個 B 等二少...
就到 Starbucks hea 住等啦！

人山人海... 見到有兩個位...

於是問 MMBB 可唔可以坐喺到睇住妹妹...

等二少奶去買嘢！

其實我預咗唔得... 點知又有驚喜！

佢話 OK...

對面有個姨姨好好人... 話陪佢等媽媽...

我立即飛快去買嘢！

排緊隊時見到 MMBB 好用力咁捉住妹妹架 BB 車...

姨姨撩緊 MMBB 傾偈等佢冇咁驚...

叔叔同佢哋個 BB 就撩緊妹妹玩！

衷心多謝這個素未謀面的 family 幫我睇住對仔女！

買完... 飛返來...

同姨姨 family say thanks and goodbye 之後...

就同 MMBB 傾下偈...

 

二少奶: 我頭先見到哥哥捉實妹妹架 BB 車喎！好盡責好錫妹妹喎！叻叻！

MMBB: 係呀！

二少奶: 頭先姨姨係咪同你傾偈呀？你驚唔驚呀？

MMBB: 唔驚... 頭先姨姨問我叫咩名？幾多歲？

二少奶: 咁你有冇答姨姨呀？

MMBB: 有呀！(中文全名)... 兩歲半！

二少奶: 嘩！好叻叻呀！有答姨姨好有禮貌喎！MMBB 真係大個仔喇！

註: MMBB 平時見到陌生人是一隻小鵪𪂹來的！

 

一陣感動都未完...

見 MMBB 飲飲下杯 hot chocolate 突然停晒手... 放低咗隻杯！

二少奶問佢做乜唔飲？

佢話: 我想留俾爸爸飲呀！

哈哈！幫爸爸感動埋！因為 MMBB 好少對爸爸咁好的！

連請二少奶飲一啖時都再三叮囑二少奶唔好飲多... 因為佢要留返俾爸爸！

 

MMBB 做緊咩？谷到面紅紅嘅？

哈哈哈！

佢其實有話要去洗手間㗎...

不過二少奶單拖又餵緊 Ah mUi MUi 飲奶...

唯有委屈一下 MMBB 在片片到搞掂！

嗰一下真係覺得好彩出街之前有幫 MMBB 穿返條片片...

如果唔係真係唔知點搞好！

單拖湊兩個出街... 真係唔簡單！

 

飲完奶好開心的 Ah mUi MUi...

Ah mUi MUi... 你大個女要知道哥哥咁細個已經係咁緊張你呀！