石澳的黃昏...

12.10.2013 (Sat)

 

是日黃昏... MMBB 突然話想去沙灘玩...

於是... 食完 tea... 馬上收拾行裝入石澳...

選擇去石澳... 因為覺得黃昏的石澳應該冇咁多人...

會易啲搵到車位...

原來都唔係... 一等就等咗差不多一小時...

好彩二少有先見之明... 叫二少奶陪 MMBB 玩住先...

佢同 Ah mUi MUi 等位泊車...

如果唔係... 等得到有車位... 天都已經黑晒...

所以... 呢日的石澳沙灘只有 MMBB...

Ah mUi MUi 只係遊咗個車河...

冇落過沙灘! 嗚! 嗚! 嗚!

 

 

石澳泳灘都幾大浪...

MMBB 可能有少少怕...

選擇咗一個離海很遠很遠的地方坐下...

 

 

 

二少奶知佢要成日攞水... 氹佢坐前啲... 佢唔濟呀!!!

 

 

 

於是... 二少奶次次都要行老遠幫呢個人仔攞水...

 

 

 

我投訴啦... 叫佢珍惜啲玩... 等我唔洗行咁多次...

點知佢話: 姑姐都係咁幫我喎!

而家算點? 知你多人錫喇! 哼!!!

 

 

 

黃昏的石澳... 很寧靜...

同 MMBB 靜靜咁玩下沙... 談下心... 都幾寫意...

 

 

 

 

 

真係玩到天黑晒先肯走...

 

 

 

因為大浪... MMBB 冇玩水...

玩完就咁洗下腳... 換過衫褲就走得...

二少奶一個都搞得掂...

 

 

 

之後匯合返啱啱等到車位的二少同 Ah mUi MUi...

回家晚飯去!

 

 

 

Ah mUi MUi... sorry... 要你白行一趟...

 

 

 

下個暑假吖... 下個暑假你應該識行識走... 可以同哥哥一齊玩...

我們再來過啦!