MMBB: 垃圾係咪可以掉吖？

05.10.2013 (Sat)

話說... MMBB 之前有一段時期好喜歡掉玩具...

二少奶日哦夜哦天鵝上身咁教佢唔好掉...

突然間有一次... 佢話: 我唔係掉呀！係拋咋嘛！

嗰一下... 真係俾佢 "拋疾" 咗... 唔識點反應...

 

 

呢日... 二少奶同 MMBB 在酒樓飲茶...

MMBB 將枱上面的酥皮包碎掉來掉去...

二少奶同佢講: 媽媽昨日咪同你睇咗本書教你唔好亂掉玩具？

MMBB: 不過呢個唔係玩具喎！

哼... 竟然駁咀... 二少奶: 總之乜都唔掉得啦！

MMBB: 垃圾咪掉得囉！係咪？

二少奶聽到真係為之氣結...

MMBB 仲要攞個尾彩: 垃圾係咪可以掉吖？

係... 係... 係... 

對住一個嘴 gel gel 的 BB... 真係唔知好嬲定好笑！