復活台中之旅 - Day 6 - Say Goodbye...

10 Apr 2012


昨晚 20:35 乘高鐵由台中返桃園...
21:14 到達... 再乘的士前往 Holiday Inn Express...
酒店安排同第一晚一樣的兩間房給我們...
MMBB 應該是很累了... 在車上已經睡著...
到達酒店... 把他放在床上... 仍然是不醒人士...
平時... 一郁... 佢多數會醒...
我們等了一會...
先把之前於逢甲夜市買的鹹酥「什錦」KO 了...
十一時... 我決定叫醒 MMBB 洗白白...
點知... 竟然叫唔醒...
冇辦法... 唯有就咁幫佢抺面抺身等佢繼續瞓...

早上 6:25 航班...
係... 早到離晒譜... 冇機位冇辦法...
返到香港... 二少奶仲可以準時返工...
凌晨三點幾我們就 check out... 打的去機場...
MMBB 仲係未醒...
幫佢換埋衫洗埋面都唔醒...
一直去到機場 check in... 佢先有返知覺... 哈哈...

五日台中 buddy trip... 終於完結...
要上飛機返香港喇...

講真... 整個台中之旅最難忘的... 一定係間民宿...
環境真係好靚...

 

不過最開心... 都係見到兩隻小鬼的笑容...
MMBB 唔係唔笑咩? 哈哈... 同 buddy 一齊... 叫做笑多咗喇...
btw... 呢個係咩樣? 咁醜怪嘅?

 

好唔捨得咁...

 

上機同大口仔坐前後... 都要咁辛苦拎轉身伸手去掂下佢...
真係好想一齊玩咁喎...

 

世紀拖手...
真係好鬼 "淵" 氣...

 

落機... 仲係好唔捨得...

 

點都要拖下手...

 

拖到喇... 大口仔好開心...




正經影張相留念啦...
你兩隻小鬼的第一個 buddy trip 順利完成!!!




打的回家時發生咗一段小插曲...
話說二少奶坐前座... 二少抱住 MMBB 同大口仔 and 大口仔媽媽坐後座...
二少奶已經盡量少說話...
免得 MMBB 聽到我把聲會扭我抱...
因為我要返工... 會第一個落車...
之後... 二少突然間講咗句: 唔知一陣你落車定係大口仔落車時 MMBB 會傷心啲呢?
我個仔... 突然間好有情緒地扁晒咀仔...
真係兩邊咀角向下彎嗰隻...
個樣好想好想喊... 但係又要死忍住唔喊...
嘩... 見到呢個樣... 我真係有少少心酸...
唔知點解 MMBB 咁傷心... 但都要忍住唔喊...
BB 喊係好正常... 點解佢會有一個咁「大人」的表情?
好彩... 之後二少不斷引佢睇車車...
到二少奶同大口仔落車時佢都冇乜嘢...
不過... 佢呢個表情... 二少奶真係好難忘...

2012 復活台中之旅... 終於寫完...
快樂地玩完... 開心地寫完...
期待下一次一齊出去玩!!!