復活台中之旅 - Day 4.1 @ 清境晨曦山莊...

8 Apr 2012


其實... 我都唔想分得咁散寫個旅行 blog...
不過... 真係執唔切相...
其實... 我又好想 update 一下近來的活動...
等出緊 trip 的二少即使陪唔到 MMBB 玩都可以睇下佢玩得幾開心...
不過... 好驚一放低台灣啲相就唔想再掂...
都係堅持多一陣... 希望可以堅持到寫完...

是日... 終於放晴...
去旅行... 最希望... 就係見到藍天...
影相都靚啲啦...

幾日來... 都影唔到我們住間民宿的外貌...
這個早上... 終於影到了!
我們就住黃色小屋...
大口仔一家就住隔鄰的紫色小屋...
係咪好靚呢?
真係好有外國 feel...

每次上 main building 開餐... 都要行呢條木梯...
屋主話... 呢度一草一木都係他們親手建的...
好佩服... 亦都好羨慕...
如果我退休時... 都可以有呢份閒情... 更重要係呢份身家...
親手建立一個自己喜歡的家... 有多美好呀!!!

之前提過... 清境晨曦山莊有四間小屋...
黃色小屋同紫色小屋下面...
仲有藍色小屋同綠色小屋...
原本... 我們就是入住綠色小屋的...
因為係二人屋... 不過屋主體貼地讓我們兩個家庭住在一起...
所以就住到了黃色小屋了...

 

二少奶喜歡綠...
MMBB 個樣... 哈哈... 好衰... 哈哈哈...

 

同二少一齊... 正經晒...

 

扮曬太陽...
其實個露台好大...
如果呢幾日好天... 兩隻小鬼就可以在此跑跑跳跳了...

 

MMBB 成日都一個未瞓醒的樣子...
但係當二少奶累到想死想佢瞓一陣的時候...
佢又鬼打都冇咁精神... 激死...

 

一家四口? 我都想呀...
從前... 好恨女的二少奶...
見到大口仔同 MMBB 成日都玩得咁開心...
都好想送個 buddy 俾 MMBB...

 

仔... 請問影家庭相可唔可以笑下呢?
第日你要交相返學校...
冇一張係靚仔的... 你唔好怪我...

 

main building 外有一個鞦韆...
呢度... 真係你想得出的浪漫裝置都有齊...
小情侶來到... 一定可以拍個 MV 走... 哈哈哈...

 

繼續唔笑... 繼續扮 cool 的 MMBB...

 

好可愛...

 

MMBB... 又蠟像上身...

 

食早餐...
自從嚐過第一口之後...
每早每晚都期待屋主夫人的美食...

 

今日沒有昨天那個超好味的麵包...
換上 waffle... 配新鮮自家製的草莓果醬...
又係好好味呀!!!

 

MMBB 好喜歡吃 waffle...
不過都乖乖食咗大半碗粥... 叻!
碗粥... 都好好味呀...
我們仲又食又拎... 帶走一點做 MMBB 的午餐...

 

同屋主及屋主夫人合照...
btw... 屋主每日都有一個 "functional look"...
做園藝做木工做維修佢都唔同 look 呀...
(其實唔細心的二少奶係冇留意... 係我幾位好團友話我知的!)

加埋司機叔叔...
司機叔叔又係一個大好人...
基本上... 無論天氣如何... 要等多久... 要兜多遠...
他對我們的行程都絕無意見... 亦會盡量滿足我們...
唯獨我們提議上山... 他就專業地告訴我們小朋友太細未必適合...
因為空氣稀薄... 他們太細... 就算有身體不適也不必懂得表達...
這些... 我們都真的沒有留心...
他還很有心的問我們要不要拿他的熱水壺盛熱水給 BB 開奶...
那個熱水壺是他用來盛茶的... 如果要幫我們盛水... 他那天就沒茶喝了...
雖然我們都已經自己準備好熱水壺... 不需要麻煩他...
但他這一問... 還是覺得很窩心...

很感謝你們的招待...
我們的台中之旅... 絕對係因為有你們而生色不少...
令人喜愛這個地方... 不是絕美的景色...
而是你們的人情味!

各位朋友如果要去清境住民宿同租車...
二少奶係誠意推介的...

團友大合照...
好似成個 trip 只係得呢一張...




Day 4... 待續...


Back to Day 3.4 @ 清境晨曦山莊
Go to Day 4.2 @ 清境農場