復活台中之旅 - Day 5.1 @ 九族文化村...

9 Apr 2012


呢日約咗司機叔叔十點出車...
可以瞓晏啲...
二少奶昨晚仲好老定唔執行李住...
點知... 呢朝趕到甩褲...
哈哈... 因為 MMBB 會搞亂檔呀...
都係大口仔媽媽醒... 一早就叫大口仔爸爸帶大口仔落去玩...
佢就可以靜靜地執嘢... 下次... 唔該帶埋 MMBB... 哈哈...

話就話「晏啲」...
其實都係講緊八點幾...
MMBB 就起身睇風景喇...
仲好肉緊咁叫我們一齊睇...

 

露台望出去的湖景... 都幾靚呀...
只係昨天遊湖時天氣太差...
搞到人都冇乜心情欣賞...

 

呢座... 就係我們住的日月潭大飯店...

 

今日的遊玩重點... 九族文化村...
上去... 先要乘一程纜車...

 

呢個 trip 有 buddy 同行... 真係多全家福呀... yeah!

 

搭纜車... MMBB 冇驚亦冇緊張...
梗係啦... 咁「危險」的 ngong ping 360 都搭過...
仲有咩驚呀...

 

睇風景睇得好入神...

 

都幾斜呀...
今日好天... 睇得清楚個日月潭...

buddies... 今日又幾襯色喎...

 

落車...

 

叫兩隻小鬼在觀山樓前面影張相...
唔係你走開就佢坐唔定...
最後要出動兩大阿媽先合照到一張...
大口仔... 你好型呀!!!

 

走了一小段路後... 我們發現觀光巴士...
免費的... 立即跳上車...
一直落到最低的歡樂世界...
二少奶唔夠潮... 唔識呢齣動畫...
只係覺得佢其實同「九族文化村」有點兒格格不入...
但係歡樂世界裡面就成日都見到佢哋...

 

MMBB 好少咁 sweet 呀...
同二少奶面貼面... 好鍾意呀!!!




話明主題公園... 一定有些機動遊戲...
不過... 湊住仔... 我們四個都冇諗住玩...
之但係見大口仔瞓咗...
二少又話呢度啲遊戲係 entertain 小朋友的... 刺激程度有限...
於是... 二少... 二少奶... 大口仔爸爸就決定玩呢個「馬雅探險」...
入去前... 二少奶問二少呢個係玩咩嘅...
二少話我知... 「應該」係坐架火車觀光探險... (我唔知佢點解會有呢個理解!!!)
大口仔爸爸... 一離開大口仔... 成個人 young 晒...
我好記得佢入去前一個「輕快地捐欄杆」的動作... 何等的乾淨利落... 哈哈...
點知... 入到去... 上咗車...
工作人員又叫我們放下手袋... 又話要除低眼鏡...
仲叫二少奶除埋鞋... 我們都心知不妙...
其實當時二少奶已經想縮沙...
點知阿姐不斷話唔驚唔驚... 仲叫我們坐第一排...
我們死都唔肯啦...
最後... 大家睇下下面張相...
就知呢個「火車觀光探險」係玩咩喇...

 

雙腳吊住咁玩過山車... 仲要冇穿鞋...
二少奶都係第一次...
在完全冇心理準備之下玩呢個遊戲...
二少奶的喉嚨差點叫破了...
玩完... 大家都覺得癲咗...
明明係帶 BB 來玩... 為什麼會係我們自己跳上一架過山車?
二少奶再望下「馬雅探險」的牌子...
原來人家早就把那個恐怖的玩意畫了出來...
只是二少奶太天真太傻... 相信二少呢個係一個丁點都不刺激的「火車觀光探險」罷了...

 

玩完... 我們三個都要坐上好一陣子才回到氣...
大口仔爸爸仲戲言... 我們應該係呢個遊戲今天年紀最大的參加者...
唉... 下次... 我都係留低乖乖的陪 MMBB 好了...
二少二少奶去咗玩... 多得大口仔媽媽照顧 MMBB...
佢竟然冇喊冇扭... 對於一個痴媽 B 來講... 已經係好叻喇!

 

再行一陣... 食 lunch...
大口仔爸爸話... 點解成個台中之旅都好似冇餐好食咁呢?
哈哈... 係... 最好味可能已經係民宿的「家常便飯」...
真係冇乜食過咩特色美食...
我們食完... 兩隻 BB 瞓醒...
MMBB 食咗一樽 baby food...
今次二少奶有帶熱水... 可以座熱... 唔洗當食「冷盤」咁慘...

 

之後... 去我們的九族文化村重點 - 阿拉丁廣場...

 

類似海洋公園的兒童王國啦...
有好多俾小朋友玩的小玩意...
先去騎旋轉木馬...
爸爸陪坐馬車... 唔夠刺激...

 

咁媽媽陪你騎馬馬啦...

 

大口仔好開心呀...
不過... 佢爸爸媽媽第一回揀咗兩隻唔識上下郁動的馬馬...
當二少奶聽到大口仔爸爸大叫「點解隻馬唔郁既」的時候...
真係笑到肚痛呀...
(實不相瞞... 我打呢段 blog 的時候都仲笑緊!!!)

 

自己騎... 唔係好夠高... 哈哈...

 

玩完下層... 再上上層玩多轉...

 

玩完旋轉木馬... 去坐老爺火車...

 

好靚的火車呀...

 

玩完地面的老爺火車... 再玩在半空的單軌火車...
MMBB 睇風景睇得好入神...
小朋友... 就係有無比的好奇心...

 

坐一轉唔夠喉...
再坐一轉...
好彩冇乜人... 都唔洗排隊...

 

之後... 二少同二少奶就去玩 space mountain...
小 BB 唔入得...
MMBB 就跟大口仔爸爸媽媽去玩... 又肯喎...
雖然個樣都唔係幾安心...
最起碼冇扭冇喊... 對 MMBB 已經係一大進步...

我們玩完... 輪到大口仔爸爸媽媽去玩 space mountain...
我們就帶兩隻小鬼再坐多次火車...
冇爸爸媽媽在身旁...
大口仔都冇燦爛的笑容喇...
安全感... 對小朋友真係好重要...

 

好難得地呢回係大口仔做石像...
應該係努力找尋爸爸媽媽中...




Day 5 @ 九族文化村 -- 待續


Back to Day 4.3 @ 日月潭
Go to Day 5.2 @ 歐洲花園 & 逢甲夜市...