復活台中之旅 - Day 3.3 @ 瑞士花園...

7 Apr 2012

 

 

瑞士花園... 其實就是在紙箱王的隔鄰...

食完午餐... 天色仍然沒有放晴...

但見雨停了...

我們就決定買票進場遊一遊...

走入花園不遠... 就見到一個湖 (or 池塘?)...

湖上面... 有很多鴨鴨...

啲鴨鴨... 仲會上岸搵食的...

 

園裡面有好多魚糧/鴨糧販賣機...

一盒只賣十元台幣...

當然要買俾好喜歡餵魚魚的 MMBB 玩下啦...

MMBB: 我準備好喇...

 

哈哈... 因為 MMBB 手短... 又未識「拋」呢個動作...

所有鴨糧都係由手上「直線」落地...

鴨鴨以為冇得食... 走人...

二少幫 MMBB 慢慢引返啲鴨鴨返來...

再教 MMBB 餵...

可能鴨鴨都知 MMBB 手短... 愈走愈近...

練習咗好耐... 仍然係「直線」落地... 拋物線欠奉...

MMBB 開心... 二少好似仲開心...

 

兩對父子 vs 兩隻鴨鴨...

合照...

好明顯... 大家的視線都係搵返自己老婆 or 阿媽部相機...

得出一張你有你望我有我望的合照... 哈哈...

好快... 一盒鴨糧就餵晒... 再買...

湖裡面其實仲有好多魚魚... 又餵下先...

真係好鍾意餵魚魚呀...

MMBB 指住咩叫 baba 睇呢?

 

好大好大霧... 完全望唔到湖的另一面...

好唔想影沙龍... 都只能得到一張冇景的沙龍...

 

大口仔對鴨鴨好好奇...

好似想同它們做好朋友咁喎...

「活着大霧默默地在覓我的去路」...

寫 blog 之時... 我係聽緊周董... 唔係聽緊校長...

不過呢句歌詞... 真係好 fit 呢張相... 哈哈...

湖邊楊柳... 加埋大霧...

似唔似仙境?

沿着湖邊走了一個圈...

又見到鴨鴨...

MMBB 好似在趕鴨仔咁...

指揮緊它們排隊?

轉右...

睇來唔成功... 哈哈哈...

今次到二少奶陪 MMBB 餵喇...

好多鴨鴨一齊走過來...

其實... 仲有好多白鴿在旁邊「執死雞」呀...

自己餵... 好開心...

餵晒又識手指指叫二少再俾鴨糧...

哈哈... 其實我們都唔知已經餵咗幾多盒... 都唔悶呀...

兩隻小 B 真係餵得好開心...

天鵝原來真係一雙一對喎...

好浪漫呀...

天鵝肥呀... 冇鴨鴨咁敏捷...

爬唔到上個石壁... 唯有在下面等...

MMBB: 大口仔... 不如餵天鵝咯...

天鵝: o靚仔... 你咪呃我喎... 你兩手空空... 睇你都係冇料到... 我都係走喇...

天鵝: 咪住... 大口仔媽媽係堅有嘢食喎...

MMBB: 唉... 好啦... 我唔阻你搵食... 我走喇...

餵完... 仲好唔捨得個盒...

霧散咗些少... 先見到原來仲有個花園可以行下...

做咩行行下停步企定定呢?

原來想俾二少影相... 好啦... 咁我都企定定啦...

幾靚... 個景...

全家福... MMBB 笑得好開心...

全靠大口仔爸爸好努力咁引佢笑呀...

 

竟然好鍾意行石春路... 行得幾型呀...

擺晒 pose 影相...

係啦... 去旅行... 笑多啲啦...

「木咀」...

又 chok...

chok 埋呢邊面先...

making of... 二少二少奶影得幾辛苦呀...

霧散... 望到湖的對岸... 幾靚喎...

紙箱王就在上面... 好近...

呢部「鷹粟米機」就係其中一部鴨糧販賣機喇...

 

玩完... 走喇...

二少奶後面的火車... 都係用紙造的...

又係紙箱王產物...

Day 3 待續...

Back to Day 3.2 @ 紙箱王
Go to Day 3.4 @ 清境晨曦山莊