離開阿拉丁廣場...
我們往歐洲花園進發...
花園的面積不算很大...
但足夠小孩們跑跑跳跳了...
夏宮... 羅馬噴泉... 巴洛克鍾樓...
確係一個小歐洲花園...
從前去主題公園...
呢類「冇嘢玩」的景點... 一定 skip 啦...
一定由早到晚玩盡所有機動遊戲同睇晒所有動物...
不過... 而家兩隻小鬼先係主角...
乜都就晒佢哋啦...
路的兩旁種滿薰衣草... 很美...
MMBB 影相... 好少笑... 亦好少笑得靚... 呢張都唔例外... 哈哈...
有埋大口仔... 又唔同喎... 今次真係笑得開懷...
好鍾意呢張相呀!!!
小小摧花賊又出動...
突然間手拖手...
兩部相機不停地連環快拍啦...
good buddies...
另一個角度再睇... 哈哈...
真係 super cute!
二少奶... 睇幾多次都唔厭呀...
唔知 MMBB 同大口仔第日大個咗會唔會都好 friend 會一齊出街玩呢?
之後去坐水沙連小火車...
本來工作人員想唔載我們...
唔知咩原因... 可能見得我們幾個... 唔想開車走多一轉...
不過... 當我們表示我們已經在這裡排隊等了十幾分鐘...
而你又沒有指示話會停駛...
佢又立即表示可以開車... 唉... 唔明唔明...
當我們上車後... 工作人員立即把維修牌放置於排隊處...
我們應該是當天最後一班車的乘客了...
架火車好靚...
行緊的時候... 車頭真係會有蒸氣噴出...
又一貫地留心看車外風光...
硬係唔望鏡頭唔笑...
題外話... 寫 blog 之日的 playgroup 真係要交一張 family photo 做勞作...
呢個 trip... 好多 family photo... 不過... 張張 MMBB 都唔笑囉...
哈哈... 所以我都係求其交一張就算...
落車... 由於列車已經停駛...
(工作人員真係拒絕再接載待緊車的幾位乘客!!!)
我們就膽粗粗同 MMBB 行下路軌...
chok + 傻 + cute... 哈哈哈...
my lovely little model!!!
呢一秒... 攬頭攬頸...
下一秒... 掙扎逃脫...
都話佢哋一個冷時一個熱啦...
玩完... 發覺我們計漏咗一程吊車的時間...
立刻連跑帶滾地衝去纜車站...
以便趕得切乘纜車下山...
MMBB 好似個木頭人咁伸塊面俾大口仔爸爸魚肉... 哈哈...
上返車... 去逢甲夜市...
很累了...
夜市... 其實二少奶唔係太好... 因為好怕迫...
不過可能早... 冇乜人... 行得幾舒服...
逢甲夜市唔細... 不過食物種類其實唔太多...
行主要的一條街就可以了...
食咗好出名的大腸包小腸... 碳烤大腿排...
大口仔爸爸同二少仲買咗排骨飯上火車食...
去咗一家甜品店坐低等 MMBB 舒舒服服食餐奶奶...
二少奶就乘機食個薑汁豆腐花...
臨離開夜市... 仲一齊掃咗袋鹹酥「什錦」上車食...
點知高鐵話咁快就返到桃園...
袋食物最後到酒店先食... 凍 + 唔脆... 哈哈...
不過其實味道唔錯...
送上是日最 sweet snapshot....
Back to Day 5.1 @ 九族文化村
Go to Day 6 - Say Goodbye...
沒有留言:
張貼留言