維園野餐 + visiting baby W...

07.12.2013 (Sat)

 

 

呢日... 相約 MMBB 的同學仔出來一聚...

MMBB 好慢熱...

返咗幾個月學...

雖然佢會講好多返學的事情...

但都好少聽佢主動提及同學仔...

 

二少奶都希望 MMBB 可以融入多一點... 唔好太 "摺"...

但我都知識朋友呢樣嘢冇得迫...

我可以做的都係帶佢出去見多啲... 玩多啲...

 

識到同班同學的呢班爸爸媽媽...

二少奶覺得好幸運...

雖則話我唔想個仔太 "摺"...

但我自己湊返學放學的時候都唔係太懂得同其他家長搭訕...
 

多謝呢班同學仔家長...
會不時 whatsapp update 一下學校的消息...
學校的事... 一個小朋友講少少... 另一個小朋友講少少...
拼埋拼埋... 可以得出一個完整的故事呀! 好有趣...
 

呢日去維園野餐...
謝謝各位爸爸媽媽的自家製朱古力... 麵包... 蘿蔔丸丸腸腸...
仲有各款小朋友零食...
二少奶... 冇心思零廚藝... 只係蒸咗幾條粟米到場...
難得各位仲真心讚賞啲粟米好甜...
哈哈哈... 真係有啲難為情!
 

MMBB 仍舊慢熱... 見面頭一個小時...
基本上都係孤獨地食食食...
直到玩遊戲... 先開始同大家接觸下...
到二少拎 bubbles 同足球出來...
佢先真係入局...
 

最後... 請各位小朋友影大合照...
估唔到... 要出動兩位「妹妹」先吸引到小朋友集合... 哈哈!
所以話... 老師上次幾分鐘就可以令三十幾位小朋友排排坐...
真係唔係講笑!
 

 

 

開心地同學仔玩完...

我們回家整一整理行裝又再出發...

去探 baby W...

 

又大個咗喇! 好期待 Ah mUi MUi 同 baby W 一齊玩的一天...
 

原來... 哥哥攬住... 都未必有安全感...
唔通係上次在草地跌過... Ah mUi MUi 有陰影? 哈哈哈...
 

baby W... welcome to our group!
愈來愈人強馬身壯喇!
 

mama 們 chit-chat... baba 們陪玩... 辛苦晒!
 

而家湊住兩個... 真係好難再影「花絮」...
 

baby W... 見咗幾次... 今次終於可以抱住你影相喇...
祝你身體健康! 快高長大! 同哥哥相親相愛!