雜記... Nov13

Nov 2013

執完相... 發覺呢個月的雜記...
其實係「為食記」...

十一月某一日... 又係 greyhound...
唔寫 blog 唔知...
原來月頭已經幫襯過 greyhound...
兩個月內去咗四次... 哈哈...
真係上咗冬蔭公癮...
呢日食咗冬蔭公雲吞...

 

十一月某一日... MMBB 開始咗一個新 playgroup...
二少奶每星期又多大半個鐘頭嘆早餐...
 

 

 

十一月某一日... 要換 paul frank...

個個星期開心樂園餐...

一個食... 一個玩...

 

 

 

十一月某幾日... 借二少之名... 借 MMBB 之咀... 

試晒栗子甘薯蛋糕... 栗子杯... 栗子撻...

滿足我的栗子癮...

 

 

好彩有人義不容辭咁幫手食...
 

十一月某一日... 終於一試阿婆糖水...
喳咋最出名... 就試喳咋...
可能個人口味... 二少奶喜歡食杰撻撻的...
還是最愛我家婆婆煮的...
不過... 之後試過白果腐竹薏米... 真係好味!

另一名物... 蛋記雞蛋仔...
呢個成日食... 千萬不要放學時間去... 好多人... 有排等...
買咗... 要九秒九襯熱食...
外脆內軟... 每粒雞蛋仔都有 "心" 的...
真係超好味...
難怪阿蘇都讚!
 

呢個小朋友都好喜歡...
不過食得唔夠快...
結果? 咪俾佢阿媽食晒囉... 哈哈哈...
 

月頭多雜糧... 月尾多飯局...
月中... 我有好俾心機繼續我的減肥大計的...
十一月好多日... 繼續我的雞絲菜麵做午餐...
 

十一月某一日... 好期待的大閘蟹來了...
本來不懂得欣賞大閘蟹的二少奶...
自杭州回來後... 就愛上了這極寒涼之物...
 

好朋友今次仲教我奇招食蟹腳...
平時我嫌麻煩唔食... 呢日食晒!
仲整損手添! 嗚嗚嗚...
 

二人餐... 一人兩隻蟹... 再加以下的... 飽飽飽飽飽!!!
@ 萬宜小南國...
 

 

 

十一月某一日... 在美心食完晚飯...

有位小朋友又要睇 menu 自選甜品...

剛好甜品有新 menu...

MMBB 揀咗呢個鴨鴨水晶包...

 

好興奮...
二少奶望到都覺得 cute...
不過... 食時就出現好大問題...
咬頭又唔係... 咬 pat 又唔係...
總之將隻咁可愛的小鴨放進口的感覺非常差...
我決定在我能力範圍內唔會再俾 MMBB 點呢類食物...
雖然唔係真鴨... 而我又非素食者...
但係咁食法... 感覺真係好似太殘忍...
 

 

 

十一月某一日... @ stonegrill...

其實成班女仔... 都係旨在吹水...

多得搞手... 幫我們買埋 groupon...

呢晚食咗一餐非常唔錯而又抵食的 stone grill...

 

再另外點前菜同甜品...
 

 

十一月某一日...
以為上堂前食個包當一餐減減肥...
點知返到屋企餓到暈...
最後整個杯麵... 仲要豬骨湯味...
唔肥唔食... 呢次偷雞唔到蝕包米! 嗚嗚嗚...
 

 

 

 十一月某一日... 繼續飯局...

@ 名店坊 Segafredo Zanetti Espresso Ristorante & Bar...

餐廳好似做緊 groupon... 不過我們 a-la-carte...

parma ham... 溫泉蛋黑醋沙律... risotto...

全部都好味喎!!!

 

甜品叫咗 tiramisu... 個型好特別...
味道唔算好特別... OK 啦...
 

呢碗... 唔係我嘅... 雖然我都好想食... 哈哈...
係 MMBB 某日要來接我...
我又同朋友仲吹緊水未走得...
二少帶佢去... 邊食邊等...
 

呢個小朋友真係好 sweet...
成日都要接 mama...
見到 mama... 即刻 show 個冧樣...
二少奶... 完全被迷魂了...
 

 

 

十一月... 愉快地「食」完...

期待... 期待... 期待... 精彩的十二月...

 

 

Traceback: 雜記... Oct13