Ah mUi MUi @ 7M+

Nov 2013

Ah mUi MUi 7M+... 識。碌。喇!

終於... 都可以兩邊翻到身...

亦都可以一次過連翻幾次... 即係碌到喇!

 

雖然識... 不過唔代表會做...

依然好懶... 即使用玩具引佢...

都係唔多願郁...

唉! 睇來都係有我的「優良遺傳」...

 

 

6M+ 出咗兩隻牙仔...

 

 

 

呢個月... 冇進展... 仍然係得兩隻...

 

 

 

出街的情緒穩定咗...

 

 

 

雖然仍然好唔自在...

但去到好嘈的地方... 抱住都唔會大喊...

 

 

 

除非好多人圍住佢「觀賞」...

如果唔係都 OK...

 

 

 

仍然係一個好乖的 BB...

睡覺時間係晚十朝八...

 

 

再加日間不定時的幾次午睡...

通常哥哥返咗學佢先可以睡得耐一啲...

睡姿好奔放...

 

 

 

再奔放啲都仲有...

 

 

 

7M+... 終於知道可以扭抱...

你行開... 佢會喊你返來...

哈哈... 都唔知話呢個 mUi MUi 好易湊好... 定話佢蠢豬豬好...

 

 

 

7M+... 仲未好可以自己坐...

冇嘢支撐... 幾秒就跌...

 

 

 

抱直唔單止唔肯撐腳...

直情屈起雙腳...

 

 

 

好似同你講「想我企? 死咗條心啦!」

真係為之氣結...

 

對所有東西都好好奇...

鍾意遙控... 鍾意電話...

鍾意 "篤" 哥哥睇緊的 ipad...

但唔太咬玩具...

 

 

 

鍾意睇 umi... barney... dora...

基本上係鍾意睇電視...

呢樣又同 MMBB 好唔同...

 

 

 

鍾意 lee lee lur lur 講嘢...

一講就好大段... 唔知佢講乜...

但係有意思的 mama... baba... 奶奶就仍然未講到...

 

 

 

鍾意聽人講嘢...

鍾意人同佢笑... 你笑佢又笑...

 

 

 

不過對住二少二少奶多數都係含蓄地笑...

只有 MMBB 可以令佢卡卡大笑...

 

 

 

唔笑就多數皺眉...

好似好多心事咁...

有時會有啲好嗲的表情...

冧暈 baba 嗰款...

 

 

 

差唔多日日出街...

一係同姐姐去買餸...

一係跟二少奶去公園...

呢日跟姐姐... 由頭粉紅到腳...

我知 Ah mUi MUi 係女仔... 都唔洗全套粉紅啩...

 

 

 

帶住帽仔... 靚女好多... 嘩哈哈哈哈哈!

 

　

 

 

 Traceback: Ah mUi MUi @ 6M+