西醫?! 中醫?!

 Nov 2013


九月... 十月都有見醫生...
十一月... 都不能幸免...
究竟... 係而家啲病菌真係太厲害...
定係而家啲小朋友免疫力太低???

  

雖然只係少少傷風...
二少奶亦都唔想小朋友成日食藥...
但係... 都係見一見醫生安心啲...
 

MMBB 好返... 隔幾日...
到 Ah mUi MUi 喇...
兩兄妹同一屋簷下... 我都唔知點樣可以有效隔離...
 

上完 playgroup... 先去幫 Ah mUi MUi 掛號...
再去接妹妹...
 

都係少少鼻水少少咳...
 

題外話: 呢幾日 MMBB 無啦啦 keep 住 moving jaw...
連 English Teacher 都係咁話佢...
連續兩張相都俾我影到...

食過西藥... 病好了...
但好多痰清唔到... Ah mUi MUi 唔咳... 亦都唔識吐出來...
人人都話小朋友有痰可以試下猴棗末...
二少奶都想試下...

朋友提醒... 用猴棗末要分寒咳熱咳...
二少奶自己唔識分...
於是決定帶 Ah mUi MUi 去見下中醫...
睇下係咪適合食...
 

原來... Ah mUi MUi 大細個... 不能把脈...
而佢亦唔係太合作完全將條脷仔伸出來...
醫師唯有盡量問症...
醫師話... 小朋友夠三歲... 她會比較有把握...
最後... 醫師建議唔好俾猴棗末... 亦唔好俾川貝...
她開兩天藥俾 Ah mUi MUi...

二少奶好 hesitate...
直接同醫師講我擔心中藥受污染...
醫師解釋藥粉比較好... 因為生產過程有檢驗...
 

對中醫... 二少奶係相信的...
我自己都睇... 坐月亦有見中醫調理...
不過... 因為中藥無正式規管...
二少奶對用中藥在小朋友身上係有啲擔心的...
 

二少奶想試猴棗末都只因其成份單一...
而且由大品牌出品... 已經廣泛受小朋友使用...
但既然醫師睇完 Ah mUi MUi 之後唔建議...
二少奶當然唔會俾 Ah mUi MUi 食...
 

 

最後... 二少奶見 Ah mUi MUi 食得瞓得玩得...
都冇俾到中醫開的中藥 Ah mUi MUi...
由得啲痰幾日後自己慢慢消失.........

雖則如此... 二少奶仍然認為...
呢次帶 Ah mUi MUi 去見一見中醫師係有啲得着的...