MMBB 沒有 mama 的日子...

暑假期間...
MMBB 間唔中都可以到嫲嫲家寄宿一兩天...
都幾似二少奶小時候... 暑假就會到婆婆家住...
一住就是幾星期... 離開屋企就好有渡假 feel... 好 happy...

而家做咗人媽咪...
先知呢種「寄宿」... 原來係三贏...
老人家有孫陪... 一定開心啦...
小朋友日日冇王管... 天天有街去... 一定開心啦...
估唔到... 連爸爸媽媽都超 happy... 有得抖下氣嘛...
哈哈... 小別勝新婚... 真係 apply 在邊個情況都冇乜點錯!!!


05.10.2013 (Sat)

呢日... MMBB 跟爺爺嫲嫲一家去廣州...
二少都有去...
二少奶呢? 就同 Ah mUi MUi 留守...
哈哈... 因為我們唔記得同 Ah mUi MUi 攞回鄉證...
以為有本護照就大安旨意...
出發前幾天先醒起... 快證都趕唔切!

 

爺爺抱住... 幾好瞓...
 

到步... 就有蘑菇餅食... 好 happy...

估唔到... 姑姐姐連 set thomas 都帶埋去...
真係錫到呢個小人仔燶呀!!!
 

個個都話冇二少奶在場...
MMBB 係好乖的... 連食飯都有人讚...
咁... 二少奶係咪應該好好檢討一下呢?
 

同爺爺超 friend...
因為... 唔洗扭抱... 都有人抱...
 

有爺爺在... 飯後就例必有水果...
仲要係多款選擇...
保證你停唔到口...
 

第二日一早起床就有 thomas 睇...
睇飽先出街...
大爺一般的生活... 你話爽唔爽?
 

13.10.2013 (Sun)

呢晚... 大伙兒在嫲嫲屋企食飯...
因為第二天是假期...
嫲嫲想 MMBB 留宿...
本來 MMBB 唔想... 無論用咩玩具食物氹佢都唔肯...
之但係... 當二少奶同 MMBB 講...
話爸爸第二日要返工陪唔到爺爺嫲嫲飲茶...
問 MMBB 可唔可以乖乖代表爸爸陪爺爺嫲嫲...
佢就開始動搖...
之後問二少奶... 如果佢乖乖陪爺爺嫲嫲...
二少奶係咪可以去學校接佢放學...
哈哈... 呢粒小豆丁開始識講條件喇!!!
 

其實二少奶都有少少想 MMBB 留在嫲嫲家...
因為第二日二少奶要一湊二...
必定出唔到街...
我都唔想 MMBB 放假都要在家悶一日...
 

去嫲嫲到... 姑姐可以全天候陪玩...
 

二少奶又可以專心湊 Ah mUi MUi...
 

爺爺嫲嫲又開心...
 

真係一舉三得...
 

不過... 好明顯... 今次唔係佢心甘情願之下留低...
所以成日都話好掛住二少奶...
第二天下午就話要打道回府喇...