廁紙筒望遠鏡...

22.11.2013 (Fri)

 

 

昨天講到 MMBB 的校外習作係去參觀動植物公園...

因為「莎莎去動物園」有帶望遠鏡...

所以當 MMBB 知道佢會去參觀動植物公園時...

就話要帶望遠鏡...

 

唔知係咪曾經有 playgroup 教過...

定係佢咁 creative 自己諗到...

MMBB 個幾星期前已經攞住個廁紙筒扮望遠鏡...

 

雖然二少奶一直沾沾自喜 MMBB 的學校一個親子習作都唔洗做...

但當 MMBB 話要帶兩個廁紙筒去旅行...

二少奶覺得... 都係唔可以太懶...

做呀媽... 呢個時候點都應該做返啲嘢...

 

於是... 去公園呢日的早上... (二少奶的臨急抱佛腳並唔係浪得虛名的!!!)

帶 MMBB 去買材料...

決定「製作」一個望遠鏡...

 

 

 

自己揀色紙... 自己揀裝飾用的貼紙...

自己俾錢... 因為二少奶袋得十元在 MMBB 銀包...

佢唔夠錢找數要問我借四元...

 

 

 

準備好晒...

 

 

 

要拿拿臨開工喇...

 

 

 

二少奶 confirm 好 MMBB 的用色安排...

就貼好兩個廁紙筒同界好紙...

叫佢幫手塗漿糊...

 

 

 

角位要好小心塗...

 

 

 

成形... 可以開始裝飾...

 

 

 

MMBB 決定好貼咩字...

二少奶就要求佢自己搵晒啲字母出來...

 

 

 

自己搣貼紙...

 

 

 

二少奶教佢由中間個字母貼起...

咁就攞到中間位...

 

 

 

字母排好晒... 又攞到中間位... 應該 OK 啦...

 

 

二少奶就由得佢自己慢慢貼...

 

 

 

唔整齊唔緊要吖... 有 mcmug feel 呀!!!

 

 

 

最後一隻字母...

 

 

 

yeah! 搞掂...

 

 

 

二少奶再幫佢穿埋繩在兩邊就真正大功告成喇!

雖然製作簡單...

但係由買材料到設計到製作過程見到 MMBB 咁俾心機...

見到佢望住製成品的那份喜悅...

仲有老師同學姨姨們讚賞望遠鏡時佢的那份自豪...

二少奶真係覺得好彩今次冇偷懶...

冇令 MMBB 失望...

 

二少奶經此一役... 終於明白...

其實親子勞作... 係有價值的!