由佗 Ah mUi MUi 開始...
二少奶個 blog 就停止咗運作... 前前後後都有一年...
唔係 yahoo blog 摺埋迫一迫... 都唔知懶到幾時先寫返...
有時無聊睇返啲舊 posts... 記起好多生活點滴... 真係好回味...
雖然寫 blog 真係好花時間... 但係睇返時確實好開心...
我知... 要追返一年的 blog 應該冇乜可能...
唯有重點出擊啦！
唔迫自己順序寫... 想寫邊樣就邊樣... 應該好啲啩！
遊記... 應該係最想寫又最唔想寫的...
因為好多相好值得紀念...
但係又因為好多相... 一打開個 folder 就見暈！
Anyway... 追到幾多得幾多啦！
時光倒流... 去返 12 年 7 月...
同婆婆舅父自駕遊沖繩...
05.07.2012 (Thu)
出發前... 有段古要講下...
今次係自駕遊... 雖然三個人有車牌...
不過司機只係得二少一個...
上機前一晚... 二少發現...
佢唔見咗個國際車牌!!!!!
咁大件事? 咁點算?
國際車牌... 到運輸署係即搞即有...
之但係... 運輸署條龍... 長期打蛇餅...
運輸署九點開門... 我們十二點機... 究竟趕唔趕得切呢?
我們決定晨咁早先去機鐵站寄行李...
之後兵分兩路...
二少去運輸署排隊...
二少奶帶 MMBB 入機場...
MMBB: 唔知爸爸搞成點呢?
好彩... 最後都成功俾二少攞到個車牌...
亦都趕到去機場... 仲可以去 lounge 食個早餐! 哈哈...
一年多前... MMBB 歲半...
個樣仲係一個 BB...
第一次同婆婆同舅父去旅行！
呢次搭 Hong Kong Airlines...
Gate 524... 要搭巴士再行樓梯上機！
歲半... 知道什麼是搭飛機了！好興奮！
坐下呢邊，又坐下嗰邊！
班機唔 full... MMBB 好 free!
二少奶一直以為 Hong Kong Airlines 係廉航...
直到見到有飛機餐食，先知搞錯咗！oh sorry!
落機！陽光普照！好 happy!
但係... 洗唔洗咁嬌俏呢？
出機場行一陣就見到那霸空港駅...
坐 Monorail 離開機場...
到酒店 check in...
第一晚住 Doubletree by Hilton Naha...
Check in 有曲奇餅送！
好好味！呢位 BB 食咗好多！
之後去國際通... 二少奶 book 咗 dinner...
對呀！對呀！呢次行程出奇地係由二少奶 plan 行程...
連酒店都係我 book 呀！二少只係買咗機票同 book 車！
二少奶大大話話已經五六年冇 plan 過行程！真係要為自己鼓掌！
感謝懂日語的朋友妹妹幫我事前 email book 位...
守禮！食那霸名物石垣牛同 agu 豬！
不過原來平日晚唔係太多人的！
Menu 上的都是任點！
仲有中文翻譯，繁體字的，好貼心！
有多款石垣牛... agu 豬... 蔬菜... 沙律... 湯同雪糕任君選擇...
燒石垣牛！好好味！
下圖左支菠蘿酒是送的！
是在機場一本官方遊客指南內的 coupon 送的！
指南內有好多優惠... 不單只食肆...
有些景點的入場券甚至有折扣... 大家記住落機時拎返本！
MMBB 試食沖繩特產 - 苦瓜！
估唔到，佢食！仲好似幾喜歡食！
唔食苦瓜的二少奶真係唔識欣賞！
食完行下國際通！
成條街的商品都幾類似...
好多手信賣！
沿途都有呢啲好可愛的裝飾...
不過大家搭完飛機有啲累... 唔係影咗好多相！
沒有留言:
張貼留言