校外習作...

22.11.2013 (Fri)

 

 

MMBB 期待已久的課外習作天終於來到...

其實二少奶都好期待...

因為係第一次同 MMBB 的老師同學外出參觀...

 

出發了... 等了個多星期...

有少少緊張?

 

 

 

習作地點是香港動植物公園...

不過呢位小朋友對溫室內的植物毫無興趣...

不斷問幾時去睇動物!!!

 

 

 

其實... 啲蘭花好靚...

 

 

 

離開溫室去睇 bird bird...

立即狂奔... 幾緊張!!!

 

 

 

因為 MMBB 經常閱讀的故事書「莎莎去動物園」裡面的女主角參觀動物園時會帶備望遠鏡...

所以... MMBB 特別要求帶個「望遠鏡」去...

睇得好認真!!!

 

 

 

每當校車姨姨... 老師... 同學... 同學媽咪... 讚佢個望遠鏡...

或者問佢借望遠鏡...

佢就會「尾尾咀」咁笑...

 

 

 

小朋友... 真係好純真...

會為咗兩個廁紙筒而開心! 哈哈哈...

 

 

 

大合照...

二少奶見識到「老師」的威力...

呢個有三十幾位小朋友的陣型...

老師一會兒就排好了...

真係嘆為觀止!!!

 

 

 

MMBB 真係「扮」到一個乖學生樣...

 

 

 

唔怪之得佢欺騙到老師同學車姨姨...

個個都話佢好乖...

哼... 佢對住我... 唔係咁樣呀!!!

 

 

 

繼續參觀...

呢隻豹豹... 真到二少奶有啲驚...

 

 

全日都唔係好肯同動物影相...

 

 

 

睇猩猩...

有隻大猩猩用紙皮 "lup" 住咗自己食橙... 好搞笑...

 

 

 

我以為 MMBB 會最喜歡看 monkey or gorilla...

點知... 佢睇咗一陣就不斷拉我去搵 turtle...

應該係之前學校俾過啲相介紹過動植物公園入面的 turtle...

佢繪影繪聲咁話啲 turtle 會跳水!?!?

仲話轉左轉右直行就見到?!?!

 

see... 個望遠鏡真係好「有用」...

 

 

 

根據二少奶的觀察...

MMBB 同同學仔... 係零交流的...

最多只係同學仔請佢食嘢... 佢講聲謝謝!

 

不過... 佢係好喜歡老師的...

佢一有問題... 就會同二少奶講去問下老師...

同行有三個老師... 佢唔見其中一個...

就會好緊張咁問二少奶...

L 老師呢? C 老師喺邊? 我見唔到 F 老師喎...

直到見到... 佢先放心繼續行...

 

 

 

全程唔想影相...

唯獨肯同老師影...

仲要係自己去問老師: 老師可唔可以陪我影張相?

二少奶真係估佢唔到...

F 老師抱住佢影...

佢仲好開心咁不停問二少奶點解 F 老師會抱佢影相...

直到二少奶答: "因為你乖囉!" 佢先罷休...

 

 

 

回程了... 累極了...

這個令人期待的校外習作完成了...

 

 

 

題外話... 二少奶愈來愈欣賞呢間學校...

這樣的校外習作... 包車來回學校...

一班出兩架車車埋家長... 費用 $0!!!

可能二少奶在商業世界運作得太耐...

突然間醒覺... 原來... 辦學... 係可以唔樣樣都講錢的...