復活台中之旅 - Day 2.1 @ 桃園...

6 Apr 2012

昨晚搞東搞西... 瞓得到已經係十二點幾一點嘅事...

是日早上... 唔肯起身啦... 哈哈哈...

八點幾... 仲係咁樣...

 

九點幾... 梳洗好... 收拾好...

會合大口仔... 落去食早餐...

有饅頭... 啱晒 BB...

下面一張「輕撫你的臉」... 真係唔係幾頂得順...

 

酒店早餐... 唔係好豐富... 都係填飽個肚就算...

下面的蘿蔔粥係俾 MMBB 的... 食咗半碗...

再加一個去皮饅頭... 有少少硬呀其實...

最後都係 toast 塊多士俾啲佢食...

 

check out 完... 出發...

又經過呢塊大鏡... 再同 MMBB 自拍多次...

今次好少少... 俾面望鏡頭...

可能因為落咗揹帶... 冇活動得咁自在...

 

去到桃園火車站...

大口仔媽媽之前已經上網訂好車票...

四十分鐘車程... 就會到達台中... 好快...

 

逛逛 7-11... 大口仔爸爸買咗啲茶葉蛋俾兩隻小 B...

估唔到... 自此之後... 我們整個行程就同茶葉蛋結下不解緣...

亦都估唔到... 原來台灣係咁多地方有得賣茶葉蛋... 哈哈...

 

my lovely boy... so cute!

橫間... 真係影得人好肥...

我知我知... 我本來已經好肥...

 

有伴去旅行真好...

成日都可以影全家福...

但係 MMBB 你點解要做呢個咁 ugly 的動作呢?

 

一個 BB 去旅行... 相已經超多...

兩個 BB 去旅行... 相係爆多...

睇下上一篇無無聊聊在機場等上機都可以影咁多就知...

今日在火車站都不例外...

四格 big hug...

 

fo 前 fo 後...

再加少少 effect...

呢張相有冇少少藝術感呢? 哈哈...

 

有得跑跑跳跳追追逐逐...

佢兩個其實已經好興奮...

一叫停佢哋坐定定影張相... 就呆晒...

洗唔洗咁無奈呀?

 

突然間玩大風吹? 做乜斜晒呢?

 

同 baba 合照... 個樣... 更無奈... 哈哈哈...

 

同隔離屋企阿仔好襯色的爸爸們...

其實張相的焦點係在大口仔爸爸的表情... 佢真係好 cute 呀...

不過我唔知出唔出得街... 哈哈...

 

高鐵到...

 

話咁快... 就到達台中火車站...

去洗手間換下片片...

再玩一陣等司機叔叔...

呢一幕... 好有婉君表妹見到家明表哥 feel...

(嗱... 其實二少奶係唔知邊個係婉君表妹同家明表哥呀... 都係聽阿媽佢哋講咋!!!)

 

可惜... 劇情描述... 家明表哥有咗第二個...

推開咗婉君表妹...

 

為咗唔想拖泥帶水...

家明表哥仲決絕地走開添...

唔知婉君表妹會唔會死咗條心呢? 哈哈哈...

 

又孖住去蒲... 識唔識到靚女呀?

 

司機叔叔到...
我們今次的台中遊...
因為有小朋友的關係... 一早決定包車...
呢架車仔... 就會陪我們玩足四日喇...

上車投棧去...
清境有好多好靚的民宿...
所以呢次我們會捨棄酒店... 住民宿...

進入民宿之前...
先請司機叔叔帶我們去醫肚...
因為有小朋友... 我們對食的要求麻煩一點點...
起碼要有合適他們的食品同埋感覺乾淨啦...
最後兜咗好幾個圈... 揀咗呢間...
香港都有...
原來真係一樣味... 哈哈...

開咗樽 heinz baby food 俾 MMBB...
最慘係... 間食店提供唔到大熱水俾我「座熱」樽 baby food...
要室溫硬食... 我覺得好對 MMBB 唔住...
好彩... 呢個仔對食冇乜大要求...
都差唔多食晒成樽...
MMBB, mama 真係錫晒你呀!!!

加咗餸落樽 baby food 到...
就係一粒花枝丸喇...

食完... 去超市入貨準備上民宿...
又薯片又杯麵...
民宿真係會冇啖好食咩?
哈哈... 且看下回分解...

Back to Day 1 @ 機場
Go to Day 2.2 @ 清境晨曦山莊...