復活節...
二少奶一家好遲先知可以去旅行...
因為二少個 business trip 一直 confirm 唔到日期...
到佢知道三月尾到四月中都唔洗出 trip 時...
已經係剩返個幾星期就到復活假...
當時... 差唔多所有 package 都 full 晒...
二少二少奶都唔係好選擇地點喇... 但求有得去玩...
bangkok 又得... okinawa 又得... 台北都 OK...
不過都冇機位冇 package...
(題外話... 二少二少奶未結婚前好鍾意去 bangkok...
做 spa 平靚正...
食同買都唔貴..
因為平... 仲可以揀啲好靚的酒店住下hea 下...
二少奶有幾個 precious moments 都在 bangkok 發生...
其實好想帶 MMBB 去呢個地方...
遊返某一些地點... 感覺一定好特別...
不過... 始終 bangkok 唔係太適合 BB 旅行...
都係遲些少再諗...)
咁啱見到好朋友在 fb 話 plan 緊 easter trip...
同樣急趕...
哈哈... 啱喇... 一齊啦...
就咁... 就速成咗 MMBB 的第一個 buddy trip...
呢個星期... 我們兩家都好努力咁上 CX webpage...
好努力咁 redeem 機票...
最終... 得到... 去台北的機要...
不過係極度唔靚的 schedule...
紅假前一日 (要返工) 18:35 出發...
紅假後一日 (要返工) 06:00 回程...
係咪差到冇朋友呢?
不過算啦... 有得去已經好好... 話晒我們真係遲 plan 得緊要...
又難得... 二少奶好友一家都係咁 "爛玩"...
咁都 OK... 哈哈哈...
yeah... 可以一齊玩喇...
地點... 為咗遷就兩位小朋友...
鎖定為台中清境... 有農場可以餵羊羊呀...
行程的準備... 二少奶一直少理...
多數都係靠二少...
今次... 有好友幫忙... 哈哈... 我更加唔洗做...
嗱嗱嗱... 又要解釋下...
唔係二少奶唔想做...
係真係唔夠佢哋效率高呀... 哈哈哈...
所以... 二少奶 again...
只係負責執行李...
雖然同 MMBB 已經外遊過兩次...
好多基本去旅行的東西都不缺了...
(好似旅行奶樽呀... 消毒丸呀... 即棄奶粉袋等等...)
之但係每次都仲要買嘢...
因為天氣唔同啦...
因為 MMBB 不斷成長的需要亦都唔同啦...
相信好多父母同 BB 去旅行都寧願多帶... 都唔想漏帶啦...
不過... 對上兩次都去成九日十日...
今次相對地容易處理...
首要處理 - 衣物...
清境早上同晚間清涼... 中午炎熱... 天氣報告話間中有雨...
咁 MMBB 的冬夏衣物都不缺...
唔洗買... 係煩少少要帶晒長短袖衫囉...
不過... 執帽仔時... 發現...
咦... 唔啱帶喎...
MMBB 身穿的一件 bodysuit... 係 3M 穿到而家...
好多上年夏天的衫褲都仲啱穿...
唯獨是頭... 跟得到「正常」生長線... 有長大... 哈哈哈...
於是... 要去買帽...
因為此行唔會帶 stroller...
「間中有雨」就要準備定雨衣...
呢日去試...
哈哈... 雨衣怪客出現喇...
本來想買有袖的款式...
不過 MMBB 實在太矮...
得呢款斗篷式係啱身...
試得好 happy 呀佢...
最後就係買咗呢件...
發現好有用... 下次旅行都應該係必備...
搞完衣... 就要搞食...
因為 MMBB 已經食好多固體食物...
唔可以只係帶奶粉...
但係我們又覺得佢其實可以跟我們食好多東西...
只要唔太油唔太咸... 好多餸菜佢都肯食...
咁主食的粉麵粥飯麵包佢全部都 OK...
所以... 我們都只係 play safe...
買咗四五樽 heinz baby food... 以備不時之需...
最後... 只係食咗兩樽...
肯食... 二少奶試過... 幾好味... 哈哈...
搞完食... 就要搞玩...
因為 MMBB 已經唔係一 舊飯...
搭車搭飛機唔想佢搞事...
又或者怕佢夜晚無聊冇事幹...
都要預備一些小玩意俾佢...
見佢呢期喜歡亂畫同睇動物書仔...
就買咗小型畫板同幾本新書仔俾佢...
再加埋 matching eggs... 襯返復活節...
呢個台中之旅的預備...
就係咁簡單喇...
沒有留言:
張貼留言