哈哈... 在台灣寫日本旅行 blog... 幾特別...
難得而家夜深人靜... 氹完仔瞓又竟然起得返身...
26 Oct 2011
一早起床... 又放底 MMBB 一陣... 再去浸溫泉...
浸返昨晚拗底唔敢浸的那個露天混湯...
大白天... 終於見到個風景有幾靚...
溫泉旅館入面有個「私家湯房」...
每間房可以預約使用一個小時...
有得 lock 門o架...
浸完個露天混湯... 就去浸埋呢個私家湯...
個景其實同露天一樣...
浸完... 去食早餐...
MMBB 做乜要在火爐旁「曬乾」雙腳呀?
好豐富的早餐...
等食兩父子...
MMBB 等到呆晒...
食啲乜呢?
臨走前... 好好人的日本姨姨整咗隻熟蛋俾 MMBB 拎走食... 多謝晒呀!
影下棵吉吉...
昨晚來到已經天黑...
而家先睇真間溫泉旅館 - 妙乃湯溫泉...
位處於乳頭溫存鄉...
溫泉... 房間... 服務... 食物都好好呀... 二少奶鍾意...
呢條瀑布... 呢個森林...
就係二少奶夜晚見到會驚的...
白天睇... 其實好靚...
呢張好正...
離開妙乃湯... 我們駕車前往田沢湖...
沿途風景...
有一個展望台... 又停低影下相...
自駕遊的好處... 話停就停...
再上車... 變身做覺覺豬...
到達田沢湖...
姬觀音...
好有 feel 的海邊小屋... 真係好似拍電影的場景...
MMBB 未醒... 我們都係近距離行一陣...
驚佢醒咗見唔到人...
個天好灰... 但係又有一度曙光...
映照在山頭...
到達秋田縣東面的角館...
參觀武士之家...
點解各位武士屋企度門都咁矮...
唔通佢哋真係好似忍者小靈精咁係遁地或者飛簷返屋企嘅?
好漂亮的石頭與樹葉...
呢位小朋友... 你裝咩呢?
坐定定影相...
佐藤養助... 係稻庭烏冬的始祖...
好長的稻庭烏冬呀...
呢位少男有心事...
好靚... 所以好貴...
精打細算的我們... 梗係買啲包裝冇咁靚o架啦... 平啲嘛...
仲買咗對靚靚的日本筷子俾 MMBB...
後話... 個烏冬真係好好味... 就咁煮熟乜都唔加都已經好好味...
MMBB 都好鍾意食...
買完手信... 來呢度食午飯...
親子丼... 有飯有烏冬...
沿途...
離開角館... 去岩手縣...
好大片草地呀... 可惜太凍...
唔係可以俾 MMBB 企下... (當時仲未識行!)
邊度咁凍... 小岩井農場...
雖然凍... 都要食雪糕...
二少奶仲隊咗支新鮮牛奶...
哈哈... 原來... 太新鮮... 又唔係真係太好飲... 哈哈...
MMBB 凍到吽晒...
幾無聊的一張相...
但係呢塊佈景板... 二少奶真係覺得好正...
最衰我揹住 MMBB 入唔到鏡...
個農場好大... 不過唔知係因為就來關門...
定係其他原因... 其實冇乜嘢睇...
去另一邊睇牛牛...
明明見紅葉瀛楓入面呀大隻仔同湯寶珍喺呢度揸牛奶...
問下工作人員... 原來冇呢個活動...
見到牛牛... MMBB 睇得入神...
好快... 就走...
總括來講... 呢一轉的農場遊... 係浪費金錢的...
晚餐在這裡...
當時在香港都未食過...
唔知搞緊乜咁入神...
開始眼瞓...
食咗好多牛... 幾抵食...
碟拼盤唔推介... 下次齋食牛得喇...
合照...
食完去 supermarket...
去日本... 行 supermarket 都係一個重要活動之一...
買下生果... 買下零食... 買下飲品...
沒有留言:
張貼留言