＜後補＞ 十年...

嘩... 十年喇... 十年喇...
二少奶由一個青春少艾變成一個黃面 c9...
仲多咗一個寶貝 MMBB...

拍拖到結婚... 好多事情都可以互相遷就互相包容...
基本上都冇乜唔開心... 所有回憶都是美好的...
直到生 MMBB... 除咗係二少奶人生最大考驗...
我覺得仲係兩公婆關係的一個大考..
好彩... 都過到... 哈哈... 生仔咁難都過到...
咁係咪即係天長地久o架喇?

二少係一個冇乜心思不太浪漫的人...
所以... 早一個月... 二少奶已經提定佢十周年就到...
"以前"... 二少奶會唔出聲... 成日覺得提咗就冇意思...
"以前"... 真係唔提都 OK... 雖然未必係好驚喜... 但係基本嘢會做足...
不過 "現在" 中得招多... 哈哈... 今次都係明明白白提醒佢...
大佬呀... 人生有幾多個十年呀... 真係唔記得咁點算?

提咗... 有飯食... 哈哈... 兩隻牛魔王... 選擇仍然係 steak... 真係唔悶...
是日飛甩 MMBB... 二人世界慶祝... 應該係生仔之後第一次...

好多款包都好好味... 二少食到要 encore!!!

唔知到 mandarin grill 有份子料理...
三款餐前小食... 哈哈... 棵草係唔食得嘅... 係食下面綠色的兩粒東西... olive 味的...
另外兩款... 已經唔記得咩味... 唉... 唔及時寫 blog... 就有呢個唔好處...
不過我印象記得好似係得一款係好味... or 三款都唔係幾好味... 哈哈哈...

二少奶好鍾意食生蠔... 佗仔餵仔時要戒... 一停奶就發癲...

呢隻係 waiter 推介... limfjord from denmark... 銅蠔的一款...
好好味... 真係好銅鐵... 食完個口仲有餘香...
不過好貴... 所以一人一隻... 試下就算喇... 十年豪一次... 哈哈...
其餘六隻... 點了 cumbrae from scotland... 海水味... 都好好味...

lobster bisque... 二少必點...
以前二少奶唔鍾意的... 而家有少少俾二少同化咗...

二少奶的 sirloin... 真係未試過在玻璃上鋸扒...

伴碟的 "炭" 同 "錫紙"... 全部都食得的... 好精緻...

二少的 rib eye... 成個四方盒... 扮一本 cookbook...

好 juicy 好好味咁...

餐後的小甜品... 又係好靚... 有四粒 truffle chocolate... 好過 petit fours 好多...
連個 "疑似" 松露刨都食得呀...
但係我哋冇食... 因為好硬... 唔知點整爛佢...
後來我哋見好多人都會成個打包... 哈哈哈... 包返屋企就可以成個食晒...
下次識做...

Happy 10th anniversary!
希望仲有好多個十年啦...

送返一份二少覺得我欠佢十年的禮物...
BB 班 level 的手作一份... 但係對二少奶來講都已經好難...
仲要係知道二少根本就唔會用...
明知晒心機都俾心機織織復織織... 呢個老婆... 真係唔話得... 嘩哈哈哈哈哈哈...
另外交換的兩份禮物... 我好鍾意自己送俾二少的一份... 不過都好鍾意自己收到的一份...
多謝老公!